ഓസ്ലറിലെ യുവാവായ മമ്മൂട്ടിയെ അവതരിപ്പിച്ച ആദം സാബിക്കിനെ ഓർക്കുന്നില്ലേ? ഇനി 'ഡർബി'യിൽ

മമ്മൂട്ടിയുടെ ഓസ്ലറിലെ യുവാവായ മമ്മൂട്ടിയെ ഓർക്കാത്തവരുണ്ടോ? അത്രയേറെ സമാനതകളുള്ള യുവ നടൻ ആദം സാബിക്ക് ആണ് ആ വേഷം കൈകാര്യം ചെയ്തത്. ആദം സാബിക്കിന്റെ പുതിയ ചിത്രം വരുന്നു. ആക്ഷന് ഏറെ പ്രാധാന്യം നൽകിയ 'കടകൻ' എന്ന ചിത്രത്തിനു ശേഷം സജിൽ മമ്പാട് സംവിധാനം ചെയ്യുന്ന പുതിയ ചിത്രം 'ഡർബി'യുടെ ചിത്രീകരണം നിലമ്പൂരിൽ ആരംഭിച്ചു. ക്യാമ്പസ് പശ്ചാത്തലത്തിൽ ഒരുക്കുന്ന ഈ ന്യൂജൻ ഫൺ ആക്ഷൻ മൂവി ഡിമാൻസ് ഫിലിം ഫാക്ടറിയുടെ ബാനറിൽ മൺസൂർ അബ്ദുൾ റസാഖ് ആണ് നിർമ്മിക്കുന്നത്.