'സംഘടനയിൽ മഞ്ജു വാര്യർ സജീവമല്ലാത്തിന്റെ കാരണം അവരോട് ചോദിക്കണം, എന്നോടല്ല'; പാർവതി തിരുവോത്ത്

Published by:Sneha Reghu
news18-malayalam

Last Updated:Feb 12, 2025 9:13 AM IST

മറ്റൊരാളുടെ സത്യം അറിയാൻ എന്നോടു ചോദിക്കുന്നത് ന്യായമല്ലെന്ന് പാർവതി പറഞ്ഞു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഡബ്ല്യുസിസി സ്ഥാപക അംഗങ്ങളായിരുന്ന മഞ്ജു വാര്യർ ഇപ്പോൾ സംഘടനയിൽ സജീവമല്ലാത്തതിന്റെ കാരണം എന്താണെന്നുള്ള ചോദ്യങ്ങൾക്ക് മറുപടിയുമായി പാർവതി തിരുവോത്ത്. മറ്റുള്ളവരുടെ സത്യം അറിയാൻ എന്നോട് ചോദ്യങ്ങൾ ഉന്നയിക്കുന്നത് ശരിയല്ലെന്നാണ് പാർവതി തിരുവോത്ത് പറയുന്നത്. അവരോടുള്ള ചോദ്യങ്ങൾ അവരോട് തന്നെ ചോദിക്കണമെന്നാണ് പാർവതി തിരുവോത്തിന്റെ വാക്കുകൾ. ദി ന്യൂ ഇന്ത്യൻ എക്സപ്രസിന് നൽകിയ അഭിമുഖത്തിലായിരുന്നു ഇക്കാര്യങ്ങൾ പറഞ്ഞത്.

അവർ സജീവമല്ലാത്തതിന്റെ കാരണം അവരോട് വേണം ചോദിക്കേണ്ടത്. കാരണം അതിനെ കുറിച്ച് ഞാനല്ല സംസാരിക്കേണ്ടത്. എല്ലായിപ്പോഴും എന്നോടു തന്നെ ഈ ചോദ്യം പലരും ചോദിക്കുന്നത് ശരിയല്ല. നിങ്ങൾക്ക് അവരുടെ അഭിമുഖം കിട്ടാറില്ല, എന്നൊന്നുമില്ലലോ... പക്ഷെ, വളരെ സൗകര്യപ്രദമായി സുഖകരമായി നിങ്ങൾ ഏറ്റവും കഠിനാധ്വാനം ചെയ്യുന്നവരോട് തന്നെ ഇത് ചോദിച്ചുകൊണ്ടിരുന്നു. അങ്ങനെ ഞങ്ങൾ കൂടുതൽ അപമാനിക്കപ്പെടുന്നുവെന്ന് പാർവതി തിരുവോത്ത് പറഞ്ഞു.

സംസാരിക്കാൻ അധികം അവസരം ലഭിക്കാത്ത ആളുകൾക്ക് എന്തുകൊണ്ട് ഈ സ്പേസ് നിങ്ങൾ കൊടുക്കാത്തത്. അവരുടെ മറുപടി കേൾക്കാൻ തനിക്കും ആഗ്രഹമുണ്ടെന്നാണ് പാർവതിയുടെ വാക്കുകൾ. ഒരു പ്രത്യേക വ്യക്തിയോട് മാത്രമല്ല ഞാനിത് പറയുന്നത് മുഴുവൻ മാധ്യമങ്ങളോടുമാണ്.

എനിക്ക് ഉത്തരം അറിയാത്ത കാര്യങ്ങൾ എന്നോട് തന്നെ ചോദിച്ചുകൊണ്ടിരിക്കുന്നത് എന്തിനാണ്? നിങ്ങൾ മാധ്യമങ്ങളാണ്, നിങ്ങൾ അന്വേഷകരാണ് സത്യം പുറത്തുകൊണ്ടുവരേണ്ടത്. എനിക്ക് ആരോടും ഒരു ബാധ്യതയില്ല. എനിക്ക് എന്റെ സത്യങ്ങൾ മാത്രമാണ് പറയാൻ കഴിയുക. മറ്റൊരാളുടെ സത്യം അറിയാൻ എന്നോടു ചോദിക്കുന്നത് ന്യായമല്ലെന്നും പാർവതി കൂട്ടിച്ചേർത്തു.