Prakambanam | കലാഭവൻ നവാസിന്റെ അവസാന ചിത്രം; ഗണപതി, സാഗര്‍ സൂര്യ ചിത്രം 'പ്രകമ്പന'ത്തിന് പാക്കപ്പ്

ഗണപതിയും (Ganapathy Poduval) സാഗര്‍ സൂര്യയും (Sagar Surya) പ്രധാന വേഷത്തില്‍ എത്തുന്ന മിസ്റ്റിക് -കോമഡി എന്റർടെയ്നർ 'പ്രകമ്പനം' (Prakambanam) സിനിമയുടെ ഷൂട്ടിംഗ് പാക്കപ്പ് ആയി. നവരസ ഫിലിംസിന്റെയും ലക്ഷ്മിനാഥ് ക്രിയേഷൻസിന്റെയും ബാനറിൽ ശ്രീജിത്ത്, സുധീഷ്, ബ്ലെസി എന്നിവർ ചേർന്ന് നിർമ്മിച്ച ചിത്രത്തിന്റെ കഥയും സംവിധാനവും വിജേഷ് പാണത്തൂരാണ്. ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ശ്രീഹരി വടക്കൻ. നടൻ കലാഭവൻ നവാസ് അവസാനമായി അഭിനയിച്ച ചിത്രമാണ് പ്രകമ്പനം. ഈ സിനിമയുടെ ഷൂട്ടിംഗ് കഴിഞ്ഞ് മടങ്ങാനിരിക്കെയായിരുന്നു ഹൃദയാഘാതത്തെത്തുടർന്നുള്ള മരണം.