'താരങ്ങൾ പ്രതിഫലം കുറയ്ക്കാതെ ഇനി സിനിമയില്ല'; നിലപാട് കടുപ്പിച്ച് നിർമ്മാതാക്കളുടെ സംഘടന

താരങ്ങളുടെയും സാങ്കേതിക വിദഗദ്ധരുടെയും പ്രതിഫലം നിയന്ത്രിക്കാൻ പറ്റാത്തതായി. ഇത് കുറയക്കണം. 2010 ൽ നിന്ന് വലിയ കുതിച്ചുചാട്ടമാണുണ്ടായത്.  താരങ്ങൾ സ്വമേധയാ കുറക്കുമെന്നാണ് പ്രതീക്ഷിക്കുന്നത്. ഓൺ ലൈൻ റിലീസിന് നിർമ്മാതാക്കൾ വലിയ താത്പര്യം കാണിക്കുന്നില്ല. എന്നാൽ സംഘടനയക്ക് എതിർപ്പില്ല. വലിയ പ്രതിസന്ധിയിലൂടെയാണ് സിനിമാ മേഖല കടന്നു പോകുന്നത്. ഈ ഘട്ടത്തിൽ എല്ലാവരും സഹകരിക്കാൻ തയാറാകണമെന്നും താരങ്ങളുടെയും സാങ്കേതിക വിദഗ്ധരുടെയും പ്രതിഫലം കുറയ്ക്കണമെന്നും കൊച്ചിയിൽ ചേർന്ന നിർമ്മാതാക്കളുടെ എക്സിക്യൂട്ടീവ് യോഗം ആവശ്യപ്പെട്ടു. എല്ലാ സിനിമ സംഘടനകളുമായും ചർച്ച നടത്തും. അഭിപ്രായ സമന്വയമുണ്ടാകാതെ പുതിയ സിനിമ ഉണ്ടാകില്ല.