ബോളിവുഡ് താരം രൺബീറിന്‍റെ കപൂറിന്‍റെ മുഖസാദ്യശ്യത്തിലൂടെ പ്രശസ്തനായ മോഡൽ മരിച്ചു

ബോളിവുഡ് താരം രണ്‍ബീർ കപൂറുമായുള്ള അമ്പരപ്പിക്കുന്ന മുഖസാദൃശ്യത്തിലൂടെ പ്രശസ്തി നേടിയ മോഡൽ ജുനൈദ് ഷാ (28) അന്തരിച്ചു. ഹൃദയാഘാതത്തെ തുടർന്നാണ് കശ്മീർ സ്വദേശിയായ ജുനൈദിന്‍റെ മരണം. കുറച്ചു വർഷങ്ങൾക്ക് മുമ്പാണ് ജുനൈദിന്‍റെ ഒരു ഫോട്ടോ വൈറലാകുന്നത്. ഒറ്റനോട്ടത്തിൽ രൺബീർ കപൂർ തന്നെയെന്ന് തോന്നിക്കുന്ന ഈ ചിത്രം രൺബീറിന്‍റെ പിതാവ് റിഷി കപൂറിനെ പോലും ഞെട്ടിച്ചിരുന്നു. 'എന്‍റെ മകന് ഒരു ഡബിൾ' എന്ന പേരിൽ റിഷി കപൂർ തന്നെ ഈ ചിത്രം സോഷ്യൽ മീഡിയയിൽ പങ്കുവയ്ക്കുകയും ചെയ്തിരുന്നു.