ഓട്ടംതുള്ളൽ ഒരു ഹൊറർ ചിത്രം; മേത്താനം ഗ്രാമത്തിലെ പച്ചയായ ജീവിതം പറയുന്ന സിനിമയ്ക്ക് തുടക്കം

'ഓട്ടംതുള്ളൽ' (Ottamthullal movie) എന്ന കലാരൂപം മലയാളികളുടെ ചിരിയുടെ ട്രേഡ്മാർക്ക് തന്നെയാണ്. ഇവിടെ ഓട്ടംതുള്ളലുമായി പ്രമുഖ സംവിധായകൻ ജി. മാർത്താണ്ഡൻ കടന്നു വരുന്നു. മലയാള സിനിമയിൽ ഒരുപിടി മികച്ച ചിത്രങ്ങളാണ് മാർത്താണ്ഡൻ്റേതായുള്ളത്. മമ്മൂട്ടി നായകനായ ദൈവത്തിൻ്റെ സ്വന്തം ക്ലീറ്റസ്റ്റിൽ തുടങ്ങി 'അച്ഛാ ദിൻ', 'പാവാട', 'ജോണി ജോണി യെസ് അപ്പാ', 'മഹാറാണി' എന്നിങ്ങനെ വ്യത്യസ്തമായ ചിത്രങ്ങൾ ഒരുക്കിയ മാർത്താണ്ഡൻ്റെ 'ഓട്ടംതുള്ളൽ' എന്ന പുതിയ സംരംഭത്തിന് മെയ് അഞ്ച് തിങ്കളാഴ്ച്ച കൊച്ചിയിലെ ഇടപ്പള്ളി അഞ്ചുമന ക്ഷേത്രത്തിൽ തിരി തെളിഞ്ഞു.