KG George| സ്വപ്നാടനം മുതൽ തുടങ്ങി ഇലവങ്കോട് ദേശം വരെ; മലയാളത്തിന് കെജി ജോർജ് നൽകിയ 19 സിനിമകൾ

രാമു കാര്യാട്ടിന്റെ മായ എന്ന ചിത്രത്തിൽ സംവിധാന സഹായിയായി തുടങ്ങി. മൂന്ന് വർഷം അദ്ദേഹത്തിനൊപ്പം പ്രവർത്തിച്ച ശേഷം സ്വപ്നാടനത്തിലൂടെ സ്വതന്ത്ര സംവിധായകനായി. 1975 ൽ പുറത്തിറങ്ങിയ ആദ്യ സിനിമ ആ വർഷത്തെ മികച്ച ചിത്രത്തിനും മികച്ച തിരക്കഥയ്ക്കുമുള്ള കേരള സർക്കാർ ചലച്ചിത്രപുരസ്കാരം നേടി. കൂടാതെ, മികച്ച മലയാളചലച്ചിത്രത്തിനുള്ള ദേശീയ ചലച്ചിത്രപുരസ്കാരവും സ്വപ്നാടനം സ്വന്തമാക്കി. ചിത്രത്തിലെ അഭിനയത്തിന് എം.ജി. സോമന് മികച്ച രണ്ടാമത്തെ നടനുള്ള അവാർഡും നേടി.

Also Read- സംവിധായകൻ കെജി ജോർജ് അന്തരിച്ചു

Also Read- ‘ആമേന്‍’ ഉണ്ടാവാൻ കാരണം ‘പഞ്ചവടിപ്പാലം’: ലിജോ ജോസ് പെല്ലിശ്ശേരി

വെറും 19 സിനിമകളാണ് അദ്ദേഹം സംവിധാനം ചെയ്തത്. ഇതിൽ ഒന്നു പോലും സിനിമാപ്രേമികൾ കാണാതെ പോകാൻ ഇടയില്ല. മലയാള സിനിമയിൽ വിപ്ലവകരമായ മാറ്റങ്ങൾ കൊണ്ടുവന്ന ചിത്രങ്ങളായിരുന്നു ഈ സിനിമകളെല്ലാം. വ്യവസ്താപിത ചലച്ചിത്ര രൂപങ്ങളോടും സമരസപ്പെടാത്ത അവതരണവും പൊതു നായികാ-നായക സങ്കൽപ്പങ്ങളോട് കലഹിക്കുന്ന അദ്ദേഹത്തിന്റെ കഥാപാത്രങ്ങളും ഇന്നും മരിക്കാതെ നമ്മുടെ മനസ്സിൽ ഇടംപിടിച്ചിരിക്കുന്നു. രാഷ്ട്രീയ വിമർശനങ്ങളും, സമൂഹത്തിന്റെ കപട സദാചാരത്തേയുമെല്ലാം അദ്ദേഹം സൃഷ്ടിച്ച കഥാപാത്രങ്ങളും സിനിമകളും ഇന്നും ചോദ്യം ചെയ്യുന്നു.