പോലീസ് ഏമാന്മാരുടെയല്ല, വറുഗീസ് പീറ്റർ എന്ന കോൺസ്റ്റബിളിന്റെ കഥ; ടൊവിനോ തോമസ് നായകനായ 'നരിവേട്ട' തിയേറ്ററിലേക്ക്

ടൊവിനോ തോമസ് (Tovino Thomas) നായകനായ 'നരിവേട്ട' (Narivetta) എന്ന ചിത്രം മെയ് 23ന് പ്രദർശനത്തിനെത്തുന്നു. ഇന്ത്യൻ സിനിമയുടെ ബാനറിൽ ടിപ്പു ഷാൻ, ഷിയാസ് ഹസൻ എന്നിവർ നിർമ്മിക്കുന്ന ചിത്രം അനുരാജ് മനോഹറാണ് സംവിധാനം ചെയ്യുന്നത്. 'മറവികൾക്കെതിരായ ഓർമ്മയുടെ പോരാട്ടം' എന്ന ടാഗ് ലൈനോടെ എത്തുന്ന ചിത്രം അതിജീവനത്തിൻ്റെ ശക്തമായ പ്രതികരണം കൂടിയാണ് കാട്ടിത്തരുന്നത്. പിറന്നുവീണ മണ്ണിൽ ധാരാളം സ്വപ്നങ്ങളുമായി ജീവിക്കാനിറങ്ങിത്തിരിച്ചവരുടെ നൊമ്പരങ്ങൾ, നിരവധി ഇമോഷണൽ രംഗങ്ങളായി കോർത്തിണക്കിയിരിക്കുന്നു.