രജനികാന്ത് സിനിമ കാണാൻ ക്‌ളാസ് കട്ട് ചെയ്ത് പോയ ഫഹദ്; ആ സിനിമയെക്കുറിച്ചുള്ള അനുഭവം

ദി ഹോളിവുഡ് റിപ്പോർട്ടർ ഇന്ത്യയുമായുള്ള സംഭാഷണത്തിൽ, കോളേജ് കാലഘട്ടത്തിലെ തന്റെ ആദ്യ തമിഴ് സിനിമാനുഭവം ഫഹദ് ഫാസിൽ ഓർമ്മിച്ചു. “കോളേജ് ക്ലാസ് കട്ട് ചെയ്ത ശേഷം ഞാൻ കണ്ട ആദ്യ തമിഴ് ചിത്രം രജനി സാർ അഭിനയിച്ച ‘ബാഷ’ ആയിരുന്നു. ചിത്രത്തിലെ ഓരോ രംഗവും മനോഹരമായി ചിത്രീകരിച്ചിരിക്കുന്നു. തങ്കച്ചിക്ക് കോളേജ് പ്രവേശനം ലഭിക്കുന്ന രംഗം എനിക്ക് പ്രത്യേകിച്ച് ഇഷ്ടപ്പെട്ടു, ”രജനികാന്തിന്റെ ചിത്രത്തോടുള്ള തന്റെ ആരാധന പങ്കുവെച്ചുകൊണ്ട് ഫഹദ് ഫാസിൽ ഓർമ്മിച്ചു.

വേട്ടയാൻ എന്ന സിനിമയിൽ രജനീകാന്തിനൊപ്പം പ്രവർത്തിച്ചതിനെക്കുറിച്ച് ഫഹദ് തുറന്നു പറഞ്ഞു. “തുടക്കത്തിൽ തന്നെ വേട്ടയാൻ എന്ന സിനിമയിൽ വ്യത്യസ്തമായ ഒരു വേഷം ചെയ്യാൻ ടി.ജെ. ജ്ഞാനവേൽ എന്നെ സമീപിച്ചിരുന്നു. പക്ഷേ കഥ കേട്ടതിനുശേഷം എനിക്ക് പാട്രിക് എന്ന കഥാപാത്രം ഇഷ്ടപ്പെട്ടതിനാൽ ഞാൻ അത് തിരഞ്ഞെടുക്കുകയായിരുന്നു. ടി.ജെ. ജ്ഞാനവേലിന് ഈ തീരുമാനം അവസാന നിമിഷത്തിലെ മാറ്റമായതിനാൽ, ചില വ്യതിയാനങ്ങൾ വരുത്തേണ്ടിവന്നു. കഥ എന്നെ ബാധിക്കരുതെന്ന് ഞാൻ ആഗ്രഹിച്ചു. അതിനാൽ ഞാൻ അത് എഴുതിയതുപോലെ തന്നെ തുടർന്നു," അദ്ദേഹം പറഞ്ഞു.