മൂവായിരത്തോളം സോഷ്യൽ മീഡിയ അക്കൗണ്ടുകൾ പൂട്ടിച്ച് ദുബായ് പൊലീസ്

ദുബായ് : 2018 മാത്രം ദുബായ് പൊലീസ് പൂട്ടിച്ചത് 2920 സോഷ്യൽ മീഡിയ അക്കൗണ്ടുകളാണ്. മുൻ വർഷങ്ങളെ അപേക്ഷിച്ച് വളരെ കൂടുതലാണിത്. വ്യാജപ്പേരുകളിലുള്ള 500 അക്കൗണ്ടുകൾ അടക്കം 2920 വ്യാജസോഷ്യല്‍ മീഡിയ അക്കൗണ്ടുകൾ പൂട്ടിച്ചുവെന്നാണ് ദുബായ് ക്രിമിനൽ ഇൻവെസ്റ്റിഗേഷൻ ഡിപ്പാർട്മെന്റ് ജനറൽ ജമാൽ സലിം അൽ ജലാഫ്  അറിയിച്ചിരിക്കുന്നത്.  സാധരാണക്കാരെക്കാൾ കൂടുതൽ സെലിബ്രിറ്റികളുടെയും പ്രശസ്തരായ വ്യക്തികളുടെയും പേരിലുള്ള അക്കൗണ്ടുകളാണ് സൈബർ കുറ്റകൃത്യങ്ങൾക്കായി കൂടുതൽ ഉപയോഗപ്പെടുത്തുന്നതെന്നാണ് ദുബായ് പൊലീസ് പുറത്തിറക്കിയ പത്രക്കുറിപ്പിൽ പറയുന്നത്.