ലോകത്തിലെ ഏറ്റവും ഉയരം കൂടിയ രണ്ടാമത്തെ കെട്ടിടമാകാൻ ദുബായിയിലെ ബുർജ് അസീസി

ലോകത്തിലെ ഏറ്റവും ഉയരം കൂടിയ രണ്ടാമത്തെ കെട്ടിടവും ദുബായിയിൽ ഒരുങ്ങുന്നു. യു.എ.ഇയിലെ പ്രധാന സ്വകാര്യ ഡെവലപ്പർമാരായ അസീസി ഡെവലപ്പേഴ്സ് ആണ് ബുർജ് അസീസിയ എന്ന പേരിൽ ലോകത്തിലെ എറ്റവും ഉയരം കൂടിയ രണ്ടാമത്തെ കെട്ടിടം നിർമ്മിക്കാനൊരുങ്ങുന്നത്. കെട്ടിടത്തിന്റെ ഉയരം കഴിഞ്ഞദിവസം ഇവർ പുറത്തു വിട്ടിരുന്നു. ദുബായിയിലെ ഷെയ്ഖ് സയ്യീദ് റോഡിന് സമീപം നിർമ്മിക്കുന്ന കെട്ടിടത്തിന്റെ ഉയരം 725 മീറ്റർ ആയിരിക്കും. നിലവിൽ ലോകത്തെ ഏറ്റവും ഉയരമുള്ള കെട്ടിടമായ ബുർജ് ഖലീഫയും ദുബായിൽ തന്നെയാണ്. 2010ൽ പൂർത്തിയായ ബുർജ് ഖലീഫയുടെ ഉയരം 828 മീറ്ററാണ്.