കുവൈറ്റ് തീപിടിത്തം: മരിച്ച 49 പേരിൽ 46 ഇന്ത്യക്കാർ; 24 മലയാളികൾ

കുവൈറ്റിൽ തീപിടിത്തത്തിൽ മരിച്ച മുഴുവൻ പേരെയും തിരച്ചറിഞ്ഞതായി വിവരം. 49 പേരിൽ 46 പേർ ഇന്ത്യക്കാരാണ്. മൂന്ന് പേർ ഫിലിപ്പീൻസിൽ നിന്നുള്ളവരാണ്. 24 മലയാളികൾക്കാണ് തീപിടിത്തത്തിൽ ജീവൻ നഷ്ടമായത്. ഏഴുപേർ തമിഴ്നാട്ടിൽ നിന്നുള്ളവരാണ്. മൂന്നുപേർ ആന്ധ്രാപ്രദേശിൽ നിന്നുള്ളവരുമാണെന്ന് കുവൈറ്റ് അധികൃതർ പുറത്തുവിട്ട റിപ്പോർട്ടിൽ പറയുന്നു. ഉത്തർപ്രദേശ്- 4, ഒഡീഷ- 2, കർണാടക-1, പഞ്ചാബ്-1, ഹരിയാന- 1, ജാർഖണ്ഡ്- 1, പശ്ചിമ ബംഗാൾ-1, മഹാരാഷ്ട്ര-1, ബിഹാർ-1 എന്നിങ്ങനെയാണ് മരിച്ചവരുടെ എണ്ണം.