ദുബായിൽനിന്ന് പ്രസവത്തിനായി നാട്ടിലേക്ക് മടങ്ങാൻ സുപ്രീംകോടതിയെ സമീപിച്ച ആതിരയുടെ ഭർത്താവ് മരിച്ചു

ദുബായ്: പ്രസവത്തിനായി കേരളത്തിലേക്ക് മടങ്ങാനായി സുപ്രീംകോടതിയിൽ ഹർജി സമർപ്പിച്ചതിലൂടെ ശ്രദ്ധേയയായ ആതിരയുടെ ഭർത്താവ് നിതിൻ ചന്ദ്രൻ (28) ദുബായിൽ മരിച്ചു. ഞായറാഴ്ച രാത്രി ഉറക്കത്തിനിടെയാണ് മരണം സംഭവിച്ചതെന്ന് ഗൾഫ് മാധ്യമങ്ങൾ റിപ്പോർട്ട് ചെയ്യുന്നു. ഒരു മാസംമുൻപ് കേരളത്തിലേക്കുള്ള ആദ്യ വിമാനത്തിൽ ആതിര നാട്ടിലേക്ക് മടങ്ങിയിരുന്നു. ജൂലൈയിൽ ആദ്യ കുഞ്ഞിന് ജന്മം നൽകാൻ കുടുംബം കാത്തിരിക്കുന്നതിനിടെയാണ് നിനച്ചിരിക്കാതെയുള്ള ദുരന്തം.