യുഎഇയിലേക്ക് ഇന്ത്യാക്കാർക്ക് യാത്രാവിലക്കെന്ന വാർത്തകൾ നിഷേധിച്ച് ഇന്ത്യൻ കോൺസുലേറ്റ്

ദുബായ്: കൊറോണ വ്യാപന സാഹചര്യത്തിൽ ഇന്ത്യാക്കാർക്ക് യുഎഇയിലേക്ക് യാത്രാ വിലക്ക് പ്രഖ്യാപിച്ചെന്ന റിപ്പോർട്ടുകൾ നിഷേധിച്ച് ദുബായിലെ ഇന്ത്യൻ കോൺസുലേറ്റ്. 'കൊറോണ വൈറസ് കാരണമായി യുഎഇയിലേക്കുള്ള യാത്രയ്ക്ക് ഇന്ത്യ യാതൊരു പ്രത്യേക നിർദേശങ്ങളും ഇതുവരെ പുറപ്പെടുവിച്ചിട്ടില്ല.. എന്നാൽ പല ചടങ്ങുകളും മാറ്റി വച്ചിട്ടുണ്ട്. മാർച്ച് എട്ട് മുതൽ സ്കൂളുകൾക്ക് നാലാഴ്ചത്തെ അവധി പ്രഖ്യാപിച്ചിട്ടുണ്ട്. ഇന്ത്യയും യുഎഇയും പുറത്തിറക്കുന്ന നിർദ്ദേശങ്ങൾ കൃത്യമായി ശ്രദ്ധിക്കണം' എന്നാണ് വാർത്തകൾ നിഷേധിച്ചു കൊണ്ട് ഇന്ത്യൻ കോണ്‍സുലേറ്റ് പ്രതികരിച്ചത്.