India- China| ട്രംപിന്റെ മധ്യസ്ഥതാ നിർദേശം തള്ളി; അതിർത്തി പ്രശ്നം സമാധാനപരമായി പരിഹരിക്കാൻ ശ്രമം തുടരുന്നുവെന്ന് ഇന്ത്യ

നയതന്ത്രതലത്തിലും സൈനികതലത്തിലും സമാധാനപരമായി പ്രശ്നം പരിഹരിക്കുന്നതിനുള്ള ശ്രമം തുടരുകയാണെന്ന് ശ്രീവാസ്തവ പറഞ്ഞു. ന്യൂഡൽഹിയും ബീജിംഗും വിഷയത്തിൽ ഇടപെട്ടുകൊണ്ടിരിക്കുകയാണ്. അതിർത്തിയിൽ സമാധാനം നിലനിർത്താൻ 1993 മുതൽ കുറഞ്ഞത് അഞ്ചു ഉഭയകക്ഷി കരാറുകളും പ്രോട്ടോകോളുമാണ് ഇരു രാജ്യങ്ങൾക്കും ഇടയിലുള്ളതെന്നും അദ്ദേഹം ചൂണ്ടിക്കാട്ടി.

Also Read- India-China | ഇന്ത്യ-ചൈന അതിർത്തി പ്രശ്നം: മധ്യസ്ഥതയ്ക്ക് തയ്യാറാണെന്ന് അറിയിച്ച് ട്രംപ്

യഥാർത്ഥ നിയന്ത്രി മേഖലയിലെ സമാധാനം ഉറപ്പുവരുത്തുന്നതിനുള്ള 1993ലെ ഉടമ്പടി, മേഖലയിലെ സൈനികർക്ക് ആത്മവിശ്വാസം നൽകുന്ന 1996ലെ ഉടമ്പടി, എൽ‌എസിയിൽ സൈനിക മേഖലയിൽ ആത്മവിശ്വാസം വളർത്തുന്നതിനുള്ള നടപടികൾ നടപ്പിലാക്കുന്നതിനുള്ള 2005 ലെ പ്രോട്ടോക്കോൾ, ഇന്ത്യ-ചൈന അതിർത്തി കാര്യങ്ങളിൽ ഏകോപനത്തിനുമായി ഒരു പ്രത്യേക സംവിധാനം സ്ഥാപിക്കുന്നതിനുള്ള 2012 ലെ കരാർ, 2013ലെ അതിർത്തി പ്രതിരോധ സഹകരണ കരാർ എന്നിവവരെ നീളുന്നതാണിത്.