Punjab| രണ്ടിടത്തും തോറ്റ് മുഖ്യമന്ത്രി ഛന്നി; പട്യാലയിൽ അമരീന്ദർ, അമൃത്സറിൽ സിദ്ദു; ലാംബിയിൽ ബാദൽ; AAPന്റെ തേരോട്ടത്തിൽ കടപുഴകിയ പ്രമുഖർ

ന്യൂഡൽഹി: പഞ്ചാബ് നിയമസഭാ തെഞ്ഞെടുപ്പിൽ ആംആദ്മി പാർട്ടിയുടെ തരംഗത്തിൽ പലപ്രമുഖരും അടിതെറ്റി വീണു. ആകെയുള്ള 117 സീറ്റുകളിലും വോട്ടെണ്ണൽ പുരോഗമിക്കുമ്പോൾ 92 സീറ്റിലും എഎപി മുന്നേറുകയാണ്. ഭരണകക്ഷിയായ കോൺഗ്രസ് 18 സീറ്റിലും ശിരോമണി അകാലിദൾ 4 സീറ്റിലും ലീഡ് ചെയ്യുന്നു. ബിജെപി സഖ്യം രണ്ടു സീറ്റിലാണ് മുന്നിൽ. പഞ്ചാബിൽ കേവല‌ ഭൂരിപക്ഷത്തിന് 59 സീറ്റുകളാണ് വേണ്ടത്. ഡൽഹിക്ക് പുറത്ത് ആദ്യമായാണ് ഒരു സംസ്ഥാനത്ത് എഎപി ഭരണത്തിലേക്ക് വരുന്നത്. എഎപിയുടെ മുഖ്യമന്ത്രി സ്ഥാനാർഥി ഭഗവന്ത് സിംഗ് മാൻ ധൂരിയിൽ തകർപ്പൻ വിജയം നേടി.