Congress | 11 സംസ്ഥാനങ്ങളിലും ആറ് കേന്ദ്രഭരണ പ്രദേശങ്ങളിൽ നിന്നും ലോക്സഭയിൽ പ്രാതിനിധ്യം ഇല്ല; ദേശീയ ബദൽ ആകാൻ കോൺഗ്രസിന് കഴിയുമോ?

28 സംസ്ഥാനങ്ങളും 8 കേന്ദ്ര ഭരണപ്രദേശങ്ങളും ഉൾപ്പെടുന്നതാണ് ഇന്ത്യ എന്ന മഹാരാജ്യം. എന്നാൽ  ഇതിൽ 11 സംസ്ഥാനങ്ങളിലും നിന്നും 6  കേന്ദ്രഭരണ പ്രദേശങ്ങളിൽ നിന്നും കോൺഗ്രസിന് ലോക്സഭയിൽ പ്രാതിനിധ്യം ഇല്ല. 26 മണ്ഡലങ്ങൾ ഉള്ള ഗുജറാത്ത്,

ഹരിയാന ( 10 മണ്ഡലങ്ങൾ,)ഉത്തരാഖണ്ഡ് ( 5 മണ്ഡലങ്ങൾ )അരുണാചൽ പ്രദേശ് ( 2 മണ്ഡലങ്ങൾ )മണിപ്പൂർ (2 മണ്ഡലങ്ങൾ)മിസോറം (ഒരു മണ്ഡലം)നാഗലാ‌ൻഡ്  (ഒരു മണ്ഡലം) സിക്കിം (ഒരു മണ്ഡലം)ത്രിപുര- (2 മണ്ഡലങ്ങൾ)

ഡൽഹി -(7 മണ്ഡലങ്ങൾ) ജമ്മു കശ്മീർ (5 മണ്ഡലങ്ങൾ) ലഡാക് (ഒരു മണ്ഡലം ) ദാദ്ര നഗർ ഹവേലി-(ഒരു മണ്ഡലം) ദാമൻ ദിയു-(ഒരു മണ്ഡലം) ലക്ഷദ്വീപ് (ഒരു മണ്ഡലം) ചണ്ഡിഗഡ് -( ഒരു മണ്ഡലം ) ആൻഡമാൻ നിക്കോബാറിൽ നിന്നും പുതുച്ചേരിയിൽ നിന്നും മാത്രമാണ് കോൺഗ്രസിന് എംപിമാർ ഉള്ളത്.

ഉത്തർപ്രദേശ്, മഹാരാഷ്ട്ര, കർണാടകം, മധ്യപ്രദേശ്, ബിഹാർ, ഒഡിഷ,  ജാർഖണ്ഡ്. 80 സീറ്റുകൾ ഉള്ള ഉത്തർപ്രദേശിൽ റായ്ബറേലി മാത്രമാണ് കോൺഗ്രസിനെ തുണച്ചത്.

2014 ൽ 44 സീറ്റ്‌ ഉണ്ടായിരുന്ന കോൺഗ്രസിന് 2019ൽ  8 സീറ്റ്‌ മാത്രമാണ് അധികം നേടാനായത്. ഇതിൽ 15 എംപിമാർ കേരളത്തിൽ നിന്ന്.

കഴിഞ്ഞ 25 വർഷത്തിനിടെ കോൺഗ്രസ്‌ പിളർന്ന് ഉണ്ടായ മൂന്നു പാർട്ടികളാണ് തൃണമൂലും എൻസിപിയും വൈഎസ്ആർ കോൺഗ്രസ്സും.തൃണമൂലിന് ബംഗാളിലും വൈഎസ്ആർ കോൺഗ്രസിന് ആന്ധ്രയിലുമാണ് കരുത്തെങ്കിൽ പല സംസ്ഥാനങ്ങളിൽ വേരുള്ള എൻസിപിയുടെ തട്ടകം മഹാരാഷ്ട്രയാണ്. 2019 ലോക്സഭ തെരഞ്ഞെടുപ്പിൽ ആന്ധ്രയിലെ 25 ലോക്സഭ സീറ്റുകളിൽ 22 ഉം വൈ എസ് ആർ കോൺഗ്രസിന്.പശ്ചിമ ബംഗാ‌ളിലെ 42 ലോക്സഭ സീറ്റുകളിൽ തൃണമൂൽ നേടിയത് 22 സീറ്റുകൾ.മഹാരാഷ്ട്രയിൽ എൻസിപിക്ക് ലഭിച്ചത് 4 സീറ്റുകൾ. ലക്ഷദ്വീപിലും വിജയിച്ചത് എൻസിപി.. എൻസിപി വിട്ട് പിഎ സാങ്മ രൂപം നൽകിയ എൻപിപിയാണ് മേഘാലയയിലെ രണ്ട് സീറ്റുകളിൽ ഒരെണ്ണം വിജയിച്ചത്. ഈ നാലു പാർട്ടികൾ കൂടി നേടിയ 50 സീറ്റുകളേക്കാൾ രണ്ടു സീറ്റ് അധികം മാത്രമേ കോൺഗ്രസ്‌ എല്ലാ സംസ്ഥാനങ്ങളിൽ നിന്നുമായി നേടിട്ടിട്ടുള്ളു. 2004 അടൽ ബിഹാരി വാജ്‌പേയിയുടെ നേതൃത്വത്തിൽ ബിജെപിക്ക് ഭരണതുടർച്ച ഉണ്ടാകുമെന്ന് ഏവരും കണക്കുകൂട്ടിയപ്പോൾ ബിജെപിയുടെ പ്രതീക്ഷകൾ തല്ലിക്കെടുത്തിയത് ആന്ധ്രയായിരുന്നു. 42 ൽ 29 സീറ്റുകൾ ആയിരുന്നു വൈഎസ് രാജശേഖര റെഡ്‌ഡി അന്ന് സോണിയ ഗാന്ധിക്ക് സമ്മാനിച്ചത്. അതേ ആന്ധ്രയിലാണ് 2014 ലും 2019 ലും ഒരു ലോക്സഭ സീറ്റ്‌ പോലും നേടാനാകാതെ തിരുച്ചുവരവിന് പോലും കഴിയാത്ത അവസ്ഥയിലേക്ക് കോൺഗ്രസ്‌ കൂപ്പുകുത്തിയത്. ബംഗാളിലും മഹാരാഷ്ട്രയിലും മികച്ച അവസ്ഥയിലല്ല പാർട്ടി.

കോൺഗ്രസ്‌ ഇന്ന് ഭരണത്തിൽ ഉള്ളത് മൂന്ന് സംസ്ഥാനങ്ങളിലാണ്. രാജസ്ഥാൻ, പഞ്ചാബ്, ചത്തിസ്ഗഡ്. ഇതിൽ പഞ്ചാബിൽ അടുത്ത മാസം തെരഞ്ഞെടുപ്പ് നടക്കും. ജാർഖണ്ഡിലും, തമിഴ്നാട്ടിലും, മഹാരാഷ്ട്രയിലും ഭരണമുന്നണിയിലെ ചെറുകക്ഷിയാണ് കോൺഗ്രസ്‌. എന്തായാലും യുപി അടക്കം വരാനിരിക്കുന്ന അഞ്ചു നിയമസഭാ തെരെഞ്ഞെടുപ്പിലെ പ്രകടനം ദേശീയ രാഷ്ട്രീയത്തിന്റെയും കോൺഗ്രസിന്റെയും ഗതി നിർണ്ണയിക്കുന്നതാകും.