'നീക്കങ്ങൾ നിരീക്ഷിക്കുന്നു': ട്രംപിന്റെ തീരുവ യുഎസ് സുപ്രീം കോടതി റദ്ദാക്കിയതിന് പിന്നാലെ കേന്ദ്രത്തിൻ്റ പ്രതികരണം

ഡൊണാൾഡ് ട്രംപിന്റെ നികുതി യുഎസ് സുപ്രീം കോടതി റദ്ദാക്കിയതിന് പിന്നാലെ ആദ്യ പ്രതികരണവുമായി കേന്ദ്ര സർക്കാർ.കോടതി വിധി മുതൽ ട്രംപിന്റെ പ്രസ്താവനകൾ വരെയുള്ള എല്ലാ നീക്കങ്ങളും സൂക്ഷ്മമായി പഠിച്ചു വരികയാണെന്ന് കേന്ദ്ര സർക്കാർ അറിയിച്ചു. നികുതികളെക്കുറിച്ചുള്ള യുഎസ് സുപ്രീം കോടതി വിധിയും അതിനു പിന്നാലെ പ്രസിഡന്റ് ട്രംപ് നടത്തിയ വാർത്താ സമ്മേളനവും ശ്രദ്ധയിൽപ്പെട്ടിട്ടുണ്ടെന്നും, യുഎസ് ഭരണകൂടം പ്രഖ്യാപിച്ച നടപടികളുടെ പ്രത്യാഘാതങ്ങളെക്കുറിച്ച് പഠിച്ചുവരികയാണെന്നും കേന്ദ്ര വാണിജ്യ മന്ത്രാലയം ഔദ്യോഗിക പ്രസ്താവനയിലൂടെ അറിയിച്ചു.