ഇടതുപക്ഷം ജയിച്ചത് രണ്ട് സീറ്റിൽ മാത്രം

ജയ്പുർ: ഏവരും ഉറ്റുനോക്കിയ അഞ്ച് സംസ്ഥാനങ്ങളിലെ നിയമസഭ തെരഞ്ഞെടുപ്പ് ഫലം പുറത്തുവന്നപ്പോൾ ഇടതുപക്ഷം വിജയിച്ചത് രണ്ട് സീറ്റുകളിൽ മാത്രം. തെരഞ്ഞെടുപ്പ് നടന്ന 579 സീറ്റുകളിൽനിന്നാണ് ഇടതുപക്ഷത്തിന്‍റെ ജയം രണ്ടു സീറ്റുകളിൽ മാത്രമായി ഒതുങ്ങിയത്. രാജസ്ഥാനിൽ സിപിഎം രണ്ട് സീറ്റുകൾ നേടിയതാണ് ഇടതുപക്ഷത്തിന് ആശ്വസിക്കാനുള്ളത്. ഇടതുപക്ഷ സാനിധ്യമുള്ള ഛത്തീസ്ഗഢിലും തെലങ്കാനയിലും സംപൂജ്യരായാണ് മടങ്ങുന്നത്. തെലങ്കാനയിൽ കോൺഗ്രസിനൊപ്പം മഹാകൂടമി സഖ്യത്തിൽ മത്സരിച്ച സിപിഐയ്ക്ക് ഒരു സീറ്റ് പോലും നേടാനായില്ല. പ്രതിപക്ഷത്തിനൊപ്പം ചേരാതെ ഒറ്റയ്ക്ക് മത്സരിച്ച സിപിഎമ്മിനും തെലങ്കാനയിൽ നിരാശപ്പെടേണ്ടിവന്നു.