പഠിച്ചില്ലെന്നാരോപിച്ച് മദ്യപിച്ചെത്തിയ അദ്ധ്യാപകൻ വിദ്യാർത്ഥിനിയുടെ മുടി മുറിച്ചു; സംഭവം നടന്നത് അദ്ധ്യാപക ദിനത്തിൽ

അദ്ധ്യാപകൻ കുട്ടിയുടെ മുടിമുറിയ്ക്കുന്ന വീഡിയോ സമൂഹമാധ്യമത്തിൽ പ്രചരിച്ചിരുന്നു. വിദ്യാർത്ഥിനി കരയുന്നതും സഹപാഠികൾ അവളെ ആശ്വസിപ്പിക്കുന്നതും വീഡിയോയിൽ കാണാം. കുട്ടിയുടെ കരച്ചിൽ കേട്ട് എത്തിയ സമീപത്തെ ഗ്രാമവാസിയാണ് അദ്ധ്യാപകൻ കത്രിക ഉപയോഗിച്ച് വിദ്യാർത്ഥിനിയുടെ മുടി മുറിയ്ക്കുന്നത് കാണുന്നത്. കാര്യം തിരക്കിയപ്പോൾ കുട്ടി പഠിക്കാത്തതുകൊണ്ടാണ് മുടി മുറിയ്ക്കുന്നതെന്നാണ് അദ്ധ്യാപകൻ വിശദീകരിച്ചത്.

കുട്ടിയുടെ മുടിമുറിക്കുന്നത് ഗ്രാമവാസി എതിർക്കുകയും സംഭവം വീഡിയോയിൽ ചിത്രീകരിക്കുകയും ചെയ്തു എന്നാൽ അതുകൊണ്ട് തനിക്കൊന്നും സംഭവിക്കില്ല എന്നായിരുന്നു അദ്ധ്യാപകന്റെ മറുപടി. വീഡിയോ ജില്ലാ കളക്ടർ ഉൾപ്പെടെയുള്ളവരുടെ ശ്രദ്ധയിൽപ്പെടുകയും ഉടൻതന്നെ അന്വേഷണത്തിന് ഉത്തരവിടുകയുമായിരുന്നു. അദ്ധ്യാപകനെ ജോലിയിൽ നിന്ന് സസ്പെൻ്റും ചെയ്തു.