പത്താംക്ലാസ് പരീക്ഷയിൽ സുഹൃത്തിന് മാർക്ക് കൂടുതൽ; പതിനഞ്ചുകാരി ജീവനൊടുക്കി

യുപി ബോർഡ് എക്സാമിനേഷന് 83% മാർക്കാണ് അമീഷ നേടിയത്. സുഹൃത്തിന് 85% മാർക്കും ഉണ്ടായിരുന്നു. ഇക്കഴിഞ്ഞ ശനിയാഴ്ചയായിരുന്നു റിസൾട്ട് വന്നത്. പരീക്ഷയിൽ പ്രതീക്ഷിച്ച മാർക്ക് ലഭിക്കാത്തതിനാൽ അന്ന് മുതൽ കുട്ടി വിഷാദത്തിലായിരുന്നുവെന്നാണ് പിതാവായ ശ്രവൺ കുമാർ പറയുന്നത്. കൂടാതെ സുഹൃത്ത് തന്നെക്കാൾ കൂടുതൽ മാർക്ക് നേടിയതും വിഷമം ഇരട്ടിയാക്കി. ഇതാകാം ഇത്തരമൊരു കടുംകൈ ചെയ്യാൻ പ്രേരിപ്പിച്ചതെന്നാണ് പറയപ്പെടുന്നത്.

സംഭവവുമായി ബന്ധപ്പെട്ട് കുട്ടിയുടെ വീട്ടുകാർ പരാതി ഒന്നും നല്‍കിയിട്ടില്ലെന്നാണ് പൊലീസ് അറിയിച്ചത്.