ടോയ്‌ലറ്റിൽ പോകാൻ പോലും സമയമില്ല; പി‌പി‌ഇ ധരിച്ച് തളർന്നിരിക്കുന്ന നഴ്സിന്റെ ഫോട്ടോ വൈറൽ

ലോകമെമ്പാടുമുള്ള ആരോഗ്യപ്രവർത്തകർ കൊറോണ വൈറസ് മഹാമാരിയെ തുടർന്ന് വളരെ വലിയ സമ്മർദ്ദത്തിലൂടെയാണ് കടന്നു പോകുന്നത്. കോവിഡ് മുന്നണി പോരാളികളായ ഇവർ സ്വന്തം ജീവൻ പോലും പണയപ്പെടുത്തിയാണ് മറ്റുള്ളവരെ സുരക്ഷിതരാക്കുന്നത്. കഴിഞ്ഞ വർഷം ആരോഗ്യ പ്രവർത്തകർ നൽകിയ സംഭാവനകളെ ലോക നേതാക്കളടക്കം പ്രശംസിച്ചിരുന്നെങ്കിലും ഇവർ നേരിടുന്ന മാനസിക ശാരീരിക ബുദ്ധിമുട്ടുകൾ പലപ്പോഴും ശ്രദ്ധിക്കപ്പെടാതെ പോകുന്നുണ്ട്. ശ്വാസം മുട്ടുന്ന പി ‌പി ‌ഇ കിറ്റുകൾക്കുള്ളിൽ നിന്ന് ജോലി ചെയ്യുന്ന ഇന്ത്യയിലും ലോകമെമ്പാടുമുള്ള ആരോഗ്യ പ്രവർത്തകർ വലിയ വെല്ലുവിളികളാണ് നേരിട്ടു കൊണ്ടിരിക്കുന്നത്.