ജി.എസ്.ടി നടപ്പാക്കി; റെയിൽവേ ബജറ്റ് ലയിപ്പിച്ചു; പ്രണബ് മുഖർജിയും ചിദംബരവും തോറ്റിടത്ത് വിജയക്കൊടി പാറിച്ച് ജെയ്റ്റ്ലി

ന്യൂഡൽഹി: സാമ്പത്തിക രംഗത്ത് അരുണ്‍ ജെയ്റ്റ്ലി വരുത്തിയ മാറ്റങ്ങളായിരുന്നു ആദ്യ നരേന്ദ്രമോദിസര്‍ക്കാരിനെ വേറിട്ടുനിര്‍ത്തിയത്. യുപിഎ കാലത്ത് ധനവകുപ്പ് കൈകാര്യം ചെയ്ത പ്രണബ് മുഖര്‍ജിയും പി ചിദംബരവും ശ്രമിച്ചിട്ടും നടക്കാതെ പോയ ചരക്കുസേവന നികുതി (ജി.എസ്.ടി) അനായാസമായി ജെയ്റ്റ്‌ലി പ്രബല്യത്തില്‍ വരുത്തി. റയില്‍വേ ബജറ്റും ധനകാര്യബജറ്റും ലയിപ്പിച്ചതും അരുൺ ജെയ്റ്റ്ലിയാണ്. പുതിയ ബാങ്കിങ് നിയമം പ്രഖ്യാപിച്ചതും പൊതുമേഖലാ ബാങ്കുകള്‍ക്ക് സര്‍വസ്വാതന്ത്ര്യം നല്‍കിയതും ജെയ്റ്റ്ലിയായിരുന്നു. ബജറ്റ് അവതരിപ്പിക്കാന്‍ ഫെബ്രുവരി ഒന്ന് എന്ന സ്ഥിരം തിയതി പ്രഖ്യാപിച്ചതും ജെയ്റ്റ്ലി തന്നെ