Sushant Singh Rajput | ജന്മനാട്ടിൽ സുശാന്ത് സിങ്ങിന്റെ പേരിൽ റോഡ്; വീഡിയോ വൈറൽ

പേര് അനാച്ഛാദനം ചെയ്യുന്നതിന്റെ വീഡിയോ ഇതിനകം സോഷ്യൽ മീഡിയയിൽ വൈറലാണ്. ബിഹാറിലെ പൂർണിയയിൽ മാൽദിയ ഗ്രാമത്തിലാണ് താരം ജനിച്ചത്.

സുശാന്തിന്റെ സ്മരണാർത്ഥമാണ് റോഡിന് അദ്ദേഹത്തിന്റെ പേര് നൽകിയതെന്ന് മേയർ സവിത ദേവി പറഞ്ഞു. പൂർണിയയിലെ മധുബനി-മാതാ ചൗക്കിലേക്കുള്ള റോഡിനാണ് താരത്തിന്റെ പേര് നൽകിയത്.

അതേസമയം, സുശാന്ത് അവസാനമായി അഭിനയിച്ച ദിൽ ബേച്ചാര ഹോട്ട്സ്റ്റാറിൽ ജുലൈ 24 ന് റിലീസാകും. ആറ് വർഷത്തെ അഭിനയ ജീവിതത്തിൽ മികച്ച നിരവധി വേഷങ്ങളാണ് സുശാന്ത് സമ്മാനിച്ചത്. 2013 ൽ കൈ പോ ചെ എന്ന ചിത്രത്തിലൂടെയാണ് സുശാന്ത് ബോളിവുഡിലെത്തുന്നത്.

അതിന് മുമ്പ് പവിത്ര് രിശ്ത എന്ന സീരിയലിലൂടെ താരം കുടുംബ പ്രേക്ഷകർക്കിടയിൽ പ്രിയങ്കരനായിരുന്നു.