താപ്സി പന്നുവിന്റെയും അനുരാഗ് കശ്യപിന്റെയും വീടുകളിൽ ആദായനികുതി വകുപ്പിന്റെ റെയ്ഡ്

ബോളിവുഡ് സംവിധായകൻ സംവിധായകൻ അനുരാഗ് കശ്യപ്, താപ്സി പന്നു, സംവിധായകൻ വികാസ് ബാൽ എന്നിവരുടെ വസതികളിൽ ആദായനികുതി വകുപ്പ് റെയ്ഡ്. മുംബൈയിലാണ് ആദായനികുതി വകുപ്പ് റെയ്ഡ് നടത്തിയത്. നികുതി വെട്ടിപ്പ് കേസിലാണ് റെയ്ഡ് നടത്തുന്നതെന്നാണ് ആദായനികുതി വകുപ്പിന്റെ വിശദീകരണം. ഏജൻസിയുടെ ഒന്നിലധികം സംഘങ്ങൾ മുംബൈയിലും അല്ലാത്തിടത്തുമായി ഏകദേശം 22 കേന്ദ്രങ്ങളിലാണ് റെയ്‌ഡ് നടത്തുന്നത്. ഫാന്റം ഫിലിംസിന്റെ പരിസരം ഉൾപ്പെടെയുള്ള പ്രദേശങ്ങളിലും റെയ്ഡ് നടത്തുന്നുണ്ട്. ചലച്ചിത്ര നിർമാതാവ് മധു മന്തേനയുടെ വസതിയും ഓഫീസും ഉൾപ്പെടെയുള്ള സ്ഥലങ്ങളിലും റെയ്ഡ് നടത്തുന്നുണ്ട്.