ഇന്ത്യന്‍ നാവികസേനാ ദിനം 2025 | നാവികസേനാ ദിനാഘോഷം ഇത്തവണ തിരുവനന്തപുരത്ത്

എല്ലാ വര്‍ഷവും ഡിസംബര്‍ നാലിന് ഇന്ത്യന്‍ നാവികസേനാ ദിനം ആഘോഷിക്കുന്നു. 1971ലെ ഇന്ത്യ-പാക് യുദ്ധത്തില്‍ ഇന്ത്യന്‍ നാവിക സേന നേടിയ ശ്രദ്ധേയമായ വിജയത്തെ സ്മരിച്ചുകൊണ്ടാണ് എല്ലാ വര്‍ഷവും രാജ്യം നാവികസേനാ ദിനം ആഘോഷിക്കുന്നത്. യുദ്ധത്തില്‍ ഇന്ത്യന്‍ നാവികസേനയാംഗങ്ങള്‍ പുലര്‍ത്തിയ അസാമാന്യമായ ധൈര്യവും വേഗത്തിലുള്ള ഇടപെടലുകളുമാണ് ഇന്ത്യക്ക് വിജയം നേടിക്കൊടുത്തത്. ഇതിനൊപ്പം രാജ്യത്തിന്റെ സംരക്ഷണം ഏറ്റെടുത്തുകൊണ്ട് നാവിക ഉദ്യോഗസ്ഥര്‍ പുലര്‍ത്തുന്ന സമര്‍പ്പണം, അച്ചടക്കം, ത്യാഗങ്ങള്‍ എന്നിവയെ ആദരിക്കാനും കൂടിയാണ് നാവിക ദിനം ആചരിക്കുന്നത്. ഇത്തവണ തിരുവനന്തപുരത്ത് ശംഖുമുഖത്താണ് ആഘോഷങ്ങള്‍ നടക്കുന്നത്.