ഡൽഹി ജെ.എൻ.യുവില്‍ ഇനി ഹിന്ദു, ബുദ്ധ, ജൈന മതപഠന കേന്ദ്രങ്ങള്‍

Last Updated:

പ്രാചീന ഇന്ത്യൻ മതങ്ങളെ കുറിച്ച് ആഴത്തിൽ മനസ്സിലാക്കാൻ ലക്ഷ്യമിട്ടാണ് പുതിയ മതപഠന കേന്ദ്രങ്ങള്‍ തുടങ്ങുന്ന‌ത്

ജവഹര്‍ലാല്‍ നെഹ്‌റു സര്‍വകലാശാലയില്‍ ഹിന്ദു, ബുദ്ധ, ജൈന മത പഠന കേന്ദ്രങ്ങൾ തുടങ്ങാന്‍ തീരുമാനം. ‌ഇത് സംബന്ധിച്ച് ഔദ്യോഗിക വിജ്ഞാപനം പുറത്തിറക്കി. സംസ്‌കൃത, ഇന്‍ഡിക് പഠന വകുപ്പുകളുടെ കീഴിലാകും ഈ മൂന്ന് കേന്ദ്രങ്ങളും പ്രവര്‍ത്തിക്കുക. പുതിയ കേന്ദ്രങ്ങള്‍ തുടങ്ങാനുള്ള തീരുമാനത്തിന് ജെഎന്‍യു നിര്‍വാഹക സമിതി നേരത്തെ തന്നെ അംഗീകാരം നല്‍കിയിരുന്നു. മെയ് 29ന് നടന്ന യോഗത്തിലാണ് ഇക്കാര്യം അംഗീകരിച്ചത്. പ്രാചീന ഇന്ത്യൻ മതങ്ങളെ കുറിച്ച് ആഴത്തിൽ മനസ്സിലാക്കാൻ ലക്ഷ്യമിട്ടാണ് പുതിയ മതപഠന കേന്ദ്രങ്ങള്‍ തുടങ്ങുന്ന‌ത്.
2020ലെ ദേശീയ വിദ്യാഭ്യാസനയവും ഇന്ത്യന്‍ വൈജ്ഞാനിക സംവിധാനവും സര്‍വകലാശാലയില്‍ നടപ്പാക്കുന്നതിനെക്കുറിച്ചു് പഠിക്കാന്‍ ജെഎന്‍യു ഒരു സമിതി രൂപീകരിച്ചിരുന്നു. ഈ സമിതിയുടെ ശുപാര്‍ശകള്‍ അംഗീകരിച്ച് കൊണ്ടാണ് പുതിയ പഠന കേന്ദ്രങ്ങള്‍ തുടങ്ങാന്‍ തീരുമാനിച്ചിരിക്കുന്നത്.
‌ഹിന്ദുമതം, ബുദ്ധമതം, ജൈനമതം എന്നിവയെക്കുറിച്ചുള്ള അക്കാദമിക് പഠനത്തിൽ വർധിച്ചുവരുന്ന താൽപ്പര്യത്തോടുള്ള പ്രതികരണം കൂടിയാണ് ഈ കേന്ദ്രങ്ങളുടെ സ്ഥാപനമെന്ന് അധികൃതർ പറഞ്ഞു. ഈ പുതിയ പഠന കേന്ദ്രങ്ങൾ ഈ മതങ്ങളുടെ തത്ത്വചിന്തകൾ, ചരിത്രങ്ങൾ, സാംസ്കാരിക സംഭാവനകൾ എന്നിവയുമായി ആഴത്തിലുള്ള അക്കാദമിക് ഇടപഴകൽ പ്രോത്സാഹിപ്പിക്കുന്ന പ്രത്യേക പ്രോഗ്രാമുകളും കോഴ്സുകളും നൽകും.
advertisement
ഡല്‍ഹി സര്‍വകലാശാല കഴിഞ്ഞ വര്‍ഷം തന്നെ ഹിന്ദു പഠന കേന്ദ്രം ആരംഭിച്ചിരുന്നു. ഇപ്പോഴിവിടെ വിഷയത്തില്‍ ബിരുദാനന്തര ബിരുദം നല്‍കുന്നുണ്ട്. ബിരുദ പ്രോഗ്രാമുകള്‍ തുടങ്ങുന്നതിനെക്കുറിച്ചും കേന്ദ്രം ആലോചിക്കുന്നുണ്ട്.
നേരത്തെ തന്നെ ഡല്‍ഹി സര്‍വകലാശാലയില്‍ ബുദ്ധമത പഠന കേന്ദ്രം ഉണ്ട്. സെന്‍റര്‍ ഫോര്‍ അഡ്വാന്‍സ്‌ഡ് സ്റ്റഡീസ് ഇന്‍ ബുദ്ധിസം സ്ഥാപിക്കാന്‍ കേന്ദ്രസര്‍ക്കാരിന്‍റെ അനുമതി മാര്‍ച്ചില്‍ ലഭിച്ചു. 35 കോടിയാണ് ഇതിന് പ്രതീക്ഷിക്കുന്ന ചെലവ്.
ജെഎൻയു കാംപസിലെ ജലക്ഷാമം പരിഹരിക്കാൻ ലക്ഷ്യമിട്ടുള്ള പദ്ധതികളും പരിഗണനയിലുണ്ട്. ജലശേഖരണ കേന്ദ്രങ്ങൾ സ്ഥാപിക്കുന്നതിനും ചെക്ക് ഡാമുകൾ നിർമിക്കുന്നതിനുമുള്ള പദ്ധതികൾ നടന്നുവരികയാണ്. കൂടാതെ, ഭിന്നശേഷിക്കാരായ വിദ്യാർത്ഥികൾ അഭിമുഖീകരിക്കുന്ന സൗകര്യങ്ങളും പ്രശ്നങ്ങളും വിലയിരുത്തുന്നതിന് ഒരു ഓഡിറ്റ് നടത്തും.
advertisement
‌Summary: Jawaharlal Nehru University has announced the establishment of three new centres for the study of Hindu Dharma, Buddhism, and Jainism.
മലയാളം വാർത്തകൾ/ വാർത്ത/India/
ഡൽഹി ജെ.എൻ.യുവില്‍ ഇനി ഹിന്ദു, ബുദ്ധ, ജൈന മതപഠന കേന്ദ്രങ്ങള്‍
Next Article
advertisement
അധ്യാപികയില്‍ നിന്ന്  വിവാഹിതരായ പുരുഷന്മാര്‍ തേടിയെത്തുന്ന 'ഷുഗര്‍ ബേബി' ആയതിന്റെ കാരണം വെളിപ്പെടുത്തി 36കാരി
അധ്യാപികയില്‍ നിന്ന് വിവാഹിതരായ പുരുഷന്മാര്‍ തേടിയെത്തുന്ന 'ഷുഗര്‍ ബേബി' ആയതിന്റെ കാരണം വെളിപ്പെടുത്തി 36കാരി
  • മുൻ അധ്യാപിക കോണി കീറ്റ്‌സ് 65 പുരുഷന്മാരുമായി ബന്ധം പുലർത്തുന്നു.

  • കീറ്റ്‌സ് മണിക്കൂറിൽ 20,000 മുതൽ 35,000 രൂപ വരെ സമ്പാദിക്കുന്നു.

  • കീറ്റ്‌സ് തന്റെ മകളെ നന്നായി പരിപാലിക്കുന്നുണ്ടെന്ന് പറയുന്നു.

View All
advertisement