ചർച്ച പരാജയം: ജെഎൻയു വിദ്യാർഥികൾ രാഷ്ട്രപതി ഭവനിലേക്ക്; മാർച്ചിൽ സംഘർഷം

സർവകലാശാല വൈസ് ചാൻസലറെ പുറത്താക്കണമെന്ന് ആവശ്യപ്പെട്ടാണ് അധ്യാപകരും വിദ്യാർഥികളും രംഗത്തു വന്നത്. മാനവ വിഭവശേഷി മന്ത്രാലയത്തിലെ ഉദ്യോഗസ്ഥരുമായി വിദ്യാർഥികൾ ഇക്കാര്യം ആവശ്യപ്പെട്ട് കൂടിക്കാഴ്ച നടത്തുകയും ചെയ്തു. എന്നാൽ വിദ്യാർഥികളുടെ ആവശ്യം മന്ത്രാലയം നിരാകരിച്ചു. 'ജെ എൻ യു വൈസ് ചാൻസലറെ മാറ്റുന്നത് ഒരു പരിഹാരമല്ലെന്ന്' സെക്രട്ടറി അമിത് ഖാരെ പറഞ്ഞു.

അതേസമയം, മന്ത്രാലയവുമായി വിട്ടുവീഴ്ച ചെയ്യാൻ തങ്ങൾ തയ്യാറല്ലെന്നും വി സിയെ മാറ്റണമെന്ന് തന്നെയാണ് ഇപ്പോഴും തങ്ങളുടെ ആവശ്യമെന്നും ജെ എൻ യു വിദ്യാർഥി യൂണിയൻ അധ്യക്ഷ ഐഷി ഘോഷ് യോഗത്തിനു ശേഷം പറഞ്ഞു. അതേസമയം, വൈസ് ചാൻസലറുമായി കൂടിക്കാഴ്ച നടത്തിയ മന്ത്രാലയത്തിലെ ഉദ്യോഗസ്ഥർ വിദ്യാർഥികളുമായി കൂടുതൽ ആശയവിനിമയം നടത്താൻ വിസിക്ക് നിർദ്ദേശം നൽകിയെന്നാണ് റിപ്പോർട്ടുകൾ.