പഹൽഗാം ഭീകരാക്രമണത്തെ അപലപിച്ച് മുസ്ലിം വ്യക്തിനിയമ ബോര്‍ഡ്; വഖഫ് ഭേദഗതി നിയമത്തിനെതിരായ പ്രതിഷേധം നിർത്തി
- Published by:Rajesh V
- news18-malayalam
Last Updated:
ഇക്കാര്യം അറിയിച്ച് വിവിധ സംസ്ഥാന-ജില്ലാ കണ്‍വീനര്‍മാര്‍ക്ക് സര്‍ക്കുലര്‍ അയച്ചു
ന്യൂഡല്‍ഹി: കശ്മീർ പെഹല്‍ഗാമിലെ ഭീകരാക്രമണത്തെ അപലപിച്ച് അഖിലേന്ത്യാ മുസ്ലിം വ്യക്തിനിയമ ബോര്‍ഡ്. കൊല്ലപ്പെട്ടവരുടെ കുടുംബങ്ങളോട് ഐക്യദാര്‍ഢ്യം പ്രഖ്യാപിച്ച് വഖ്ഫ് ഭേദഗതി നിയമത്തിനെതിരായ പ്രതിഷേധങ്ങള്‍ മൂന്നു ദിവസത്തേക്ക് നിര്‍ത്തിവയ്ക്കുകയാണെന്ന് വ്യക്തി നിയമബോര്‍ഡ് പ്രസ്താവനയില്‍ പറഞ്ഞു. ഇക്കാര്യം അറിയിച്ച് വിവിധ സംസ്ഥാന-ജില്ലാ കണ്‍വീനര്‍മാര്‍ക്ക് സര്‍ക്കുലര്‍ അയച്ചിട്ടുണ്ട്. മൂന്നു ദിവസത്തിന് ശേഷം പ്രതിഷേധം പുനരാരംഭിക്കും.
തെക്കൻ കശ്മീരിലെ അനന്ത്‌നാഗ് ജില്ലയിലെ പഹൽഗാമിലെ വിനോദസഞ്ചാര കേന്ദ്രത്തിൽ ചൊവ്വാഴ്ച നടന്ന ഭീകരാക്രമണത്തിൽ 26 പേർ കൊല്ലപ്പെടുകയും നിരവധിപേർക്ക് പരിക്കേൽക്കുകയും ചെയ്തു. 'ദുഃഖിതരായ കുടുംബങ്ങളോടുള്ള ഐക്യദാർഢ്യത്തിന്റെ അടയാളമായി, വഖഫ് നിയമത്തിലെ "വിവാദ ഭേദഗതികൾ"ക്കെതിരായ പ്രചാരണം ഏപ്രിൽ 23 മുതൽ മൂന്ന് ദിവസത്തേക്ക് നിർത്തിവച്ചു' - പ്രസ്താവനയിൽ പറഞ്ഞു.
പഹൽഗാമിലെ ഭീകരാക്രമണം അങ്ങേയറ്റം ദാരുണവും അപലപനീയവുമാണെന്ന് എഐഎംപിഎൽബിയുടെ കീഴിലുള്ള വഖഫ് സംരക്ഷണത്തിനായുള്ള മജ്‌ലിസ്-ഇ-അമലിന്റെ ദേശീയ കൺവീനർ എസ്ക്യുആർ ഇല്യാസ് പ്രസ്താവനയിൽ പറഞ്ഞു.
advertisement
Summary: The All India Muslim Personal Law Board (AIMPLB) on Wednesday condemned the Pahalgam terror attack and decided to pause its ongoing protests against the new Waqf law for three days in solidarity with the families of victims.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
April 24, 2025 11:06 AM IST
മലയാളം വാർത്തകൾ/ വാർത്ത/India/
പഹൽഗാം ഭീകരാക്രമണത്തെ അപലപിച്ച് മുസ്ലിം വ്യക്തിനിയമ ബോര്‍ഡ്; വഖഫ് ഭേദഗതി നിയമത്തിനെതിരായ പ്രതിഷേധം നിർത്തി
