കേരളത്തിൽ തൊഴിലുറപ്പ് വേതനം ഏപ്രിൽ ഒന്ന് മുതൽ വർദ്ധിക്കും; വേതനത്തിൽ രാജ്യത്ത് നാലാമത്

വിജ്ഞാപനമനുസരിച്ച്, 2025-26 ലെ ദേശീയതലത്തിൽ, വേതന നിരക്കുകൾ 2.33-7.48% വർദ്ധിപ്പിച്ചിട്ടുണ്ട്. കൃത്യമായി പറഞ്ഞാൽ,

ദേശീയതലത്തിൽ വേതനത്തിൽ 7 രൂപ മുതൽ 26 രൂപ വരെ വർദ്ധനവ് ഉണ്ടായിട്ടുണ്ട്. ആന്ധ്രാപ്രദേശ്, അരുണാചൽ പ്രദേശ്, അസം, നാഗാലാൻഡ്, തെലങ്കാന എന്നീ അഞ്ച് സംസ്ഥാനങ്ങളിൽ NREGS വേതനത്തിൽ 7 രൂപ വർദ്ധനയുണ്ടായി. ഹരിയാനയിലാണ് ഏറ്റവും കൂടുതൽ 26 രൂപയുടെ വർദ്ധനവ് രേഖപ്പെടുത്തിയത്, 2025-26 കാലയളവിൽ NREGS വേതനം പ്രതിദിനം 374 രൂപയിൽ നിന്ന് 400 രൂപയിലെത്തും. മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ആദ്യമായാണ് ദിവസ വേതനം പ്രതിദിനം 400 രൂപയിൽ എത്തുന്നത്.

2005 ലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമത്തിലെ സെക്ഷൻ 6 ലെ ഉപവകുപ്പ് (1) പ്രകാരമാണ് NREGS വേതന നിരക്കുകൾ സർക്കാർ പ്രഖ്യാപിക്കുന്നത്. പുതിയ നിരക്കുകൾ സാമ്പത്തിക വർഷത്തിന്റെ ഒന്നാം തീയതി (ഏപ്രിൽ 1) മുതൽ പ്രാബല്യത്തിൽ വരും.ഗ്രാമീണ മേഖലയിലെ പണപ്പെരുപ്പത്തിലെ വർദ്ധനവിനെ പ്രതിഫലിപ്പിക്കുന്ന സിപിഐ-എഎല്ലിൽ ( കാർഷിക തൊഴിലാളികളുടെ ഉപഭോക്തൃ വില സൂചിക) വരുന്ന മാറ്റങ്ങൾ അനുസരിച്ചാണ് എൻആർഇജിഎസ് വേതന നിരക്കുകൾ നിശ്ചയിക്കുന്നത്.

ഈ സാമ്പത്തിക വർഷത്തിൽ (2024-25), ഗോവയിൽ മുൻ വർഷത്തെ (2022-23) അപേക്ഷിച്ച് 10.56% പരമാവധി വേതന വർദ്ധനവ് ഉണ്ടായി. ഉത്തർപ്രദേശും ഉത്തരാഖണ്ഡും ഏറ്റവും കുറഞ്ഞ വേതന നിരക്കായ 3.04% രേഖപ്പെടുത്തി.

സംസ്ഥാനങ്ങളുടെ പുതുക്കിയ വേതനം

1. ആന്ധ്രാപ്രദേശ്- 307 രൂപ

2. അരുണാചൽ പ്രദേശ്- 241രൂപ

3. അസം -256 രൂപ

4. ബിഹാർ 255- രൂപ

5. ഛത്തീസ്ഗഢ് 243 -രൂപ

6. ഗോവ -378 രൂപ

7. ഗുജറാത്ത് -288 രൂപ

8. ഹരിയാന -400 രൂപ

9. ഹിമാചൽ പ്രദേശ്- 247 രൂപ

9. ഹിമാചൽ പ്രദേശ് -309 രൂപ

10. ജമ്മു & കശ്മീർ -272 രൂപ

11. ലഡാക്ക് -272 രൂപ രൂപ

12. ജാർഖണ്ഡ്- 255 രൂപ രൂപ

13. കർണാടക- 370 രൂപ

14. കേരളം- 369 രൂപ

15 .മധ്യപ്രദേശ്- 261 രൂപ