കര്ണാടകയിലെ മണ്ണിടിച്ചിലില് കാണാതായവരില് മലയാളി ലോറി ഡ്രൈവറും; ലോറി മണ്ണിനടിയിലെന്ന് സൂചന
- Published by:Sarika KP
- news18-malayalam
Last Updated:
അര്ജുനും ലോറിയും മണ്ണിനടിയിലെന്ന് സംശയം.
ബംഗളൂരു: കർണാടക ഷിരൂരിൽ ദേശീയപാതയിലുണ്ടായ മണ്ണിടിച്ചിലില് കാണാതായവരില് മലയാളി ലോറി ഡ്രൈവറും. കോഴിക്കോട് സ്വദേശി അർജുനെയാണ് നാല് ദിവസമായി കാണാതായത്. അര്ജുനും ലോറിയും മണ്ണിനടിയിലെന്ന് സംശയം. ജിപിഎസ് സംവിധാനം വഴി പരിശോധിക്കുമ്പോള് മണ്ണിനടിയിലാണ് ലോറിയുടെ ലൊക്കേഷന് കാണിക്കുന്നത്. അര്ജുന്റെ ഫോണ് രണ്ട് തവണ ഓണായെന്ന് ലോറി ഉടമ പറഞ്ഞു.
നിരവധി വാഹനങ്ങള് മണ്ണിനടിയില് കുടുങ്ങിയതായാണ് റിപ്പോര്ട്ടുകള്. രക്ഷാപ്രവര്ത്തനം പുരോഗമിക്കുകയാണ്. അര്ജുനെ കണ്ടെത്താനുള്ള അടിയന്തര ഇടപെടലിന് മുഖ്യമന്ത്രി നിർദേശം നൽകിയിട്ടുണ്ട്. അർജുനെ കണ്ടെത്താൻ ശ്രമിക്കുന്നുവെന്നും കർണാടക ഗതാഗത മന്ത്രിയുമായി ഇക്കാര്യം സംസാരിച്ചെന്നും അന്വേഷണത്തിന് കാസർകോട് കലക്ടറെ ചുമതലപ്പെടുത്തിയെന്നും ഗതാഗത മന്ത്രി എം.ബി.ഗണേഷ് കുമാർ പറഞ്ഞു.
#WATCH | Karnataka | Restoration work is underway at the site of a landslide on NH 66 near Ankola's Shirur.
Four persons died and three are missing in the landslide. pic.twitter.com/sLcaWjw4MS
— ANI (@ANI) July 18, 2024
advertisement
ജൂലൈ എട്ടിനാണ് അര്ജുൻ ലോറിയില് പോയതെന്നും തിങ്കളാഴ്ചയാണ് അവസാനമായി വിളിച്ച് സംസാരിച്ചതെന്നും അര്ജുന്റെ ഭാര്യ മാധ്യമങ്ങളോട് പറഞ്ഞു. ചൊവ്വാഴ്ച മുതല് ഫോണില് കിട്ടുന്നില്ല. ഇന്ന് രാവിലെ എട്ടിന് വിളിച്ചപ്പോള് അര്ജുന്റെ ഫോണ് റിങ് ചെയ്തിരുന്നു. പിന്നീട് സ്വിച്ച് ഓഫായെന്നും കുടുംബാംഗങ്ങള് പറഞ്ഞു. ഇന്നലെ രാത്രി വരെ ലോറിയുടെ എഞ്ചിൻ ഓണായിരുന്നുവെന്നാണ് ഭാരത് ബെന്സ് കമ്പനി വീട്ടുകാരെ അറിയിച്ചുവെന്നും ഭാര്യ പറഞ്ഞു
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Karnataka
First Published :
Jul 19, 2024 12:05 PM IST
മലയാളം വാർത്തകൾ/ വാർത്ത/India/
കര്ണാടകയിലെ മണ്ണിടിച്ചിലില് കാണാതായവരില് മലയാളി ലോറി ഡ്രൈവറും; ലോറി മണ്ണിനടിയിലെന്ന് സൂചന







