വിമാനത്താവളത്തിൽ അതിക്രമിച്ചു കയറിയ യുവാവ്  ഹെലികോപ്ടർ കേടുവരുത്തി 

കഴിഞ്ഞ ദിവസം വൈകുന്നേരം അഞ്ചരയോടെയായിരുന്നു സംഭവം. കല്ലുകൾ ഉപയോഗിച്ച് ഹെലികോട്പറിന് നാശനഷ്ടങ്ങൾ വരുത്തിയ യുവാവ് തുടർന്ന് പറന്നുയരാനിരുന്ന ഒരു സ്പൈസ്ജെറ്റ് വിമാനത്തിന് മുന്നിൽ കുത്തിയിരിക്കുകയും ചെയ്തു. ഇതോടെ വിമാനത്തിലുണ്ടായിരുന്ന യാത്രക്കാരെ മുഴുവൻ പുറത്തിറക്കി. ഇത് മൂലം വിമാനം വൈകിയാണ് പുറപ്പെട്ടത്.

സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സ് കസ്റ്റഡിയിലെടുത്ത യുവാവിനെ പിന്നീട് പൊലീസിന് കൈമാറി. ഇയാൾക്ക് മാനസികാസ്വാസ്ഥ്യമുള്ളതായി സംശയിക്കുന്നുണ്ട്.