മദ്യം കയറ്റിയ വാഹനത്തിൽ നിന്ന് കുപ്പികൾ താഴെ വീണു; കൈക്കലാക്കാൻ ആളുകളുടെ നെട്ടോട്ടം; വീഡിയോ വൈറൽ

മിതാവാലി ഗ്രാമത്തിൽ മദ്യവിൽപന നടത്തുന്ന സന്ദീപ് യാദവ് എന്നയാളുടെ കടയിലേക്കാണ് മദ്യം കൊണ്ടുപോയത്. സംഭവത്തിന്റെ ദൃശ്യങ്ങൾ സാമൂഹ്യ മാധ്യമങ്ങൾ വഴി വ്യാപകമായി പ്രചരിച്ചതോടെ നിരവധി ആളുകളുടെ പ്രതികരണങ്ങളും വീഡിയോയ്ക്ക് താഴെ എത്തി. വീഡിയോ കണ്ട ചിലർ രാജ്യത്തിന്റെ ക്രമസമാധാനത്തെക്കുറിച്ച് ആശങ്കകൾ പ്രകടിപ്പിക്കുകയും ചെയ്തു. കൂടാതെ ഈ സാഹചര്യം മുതലെടുത്ത സ്ഥലത്തുണ്ടായിരുന്ന ആളുകളുടെ സമീപനത്തെക്കുറിച്ചും വലിയ രീതിയിലുള്ള വിമർശനങ്ങൾ ഉയരുന്നുണ്ട്. മദ്യം ഭാവിയിൽ വലിയ സാമൂഹിക പ്രത്യാഘാതം സൃഷ്ടിക്കുമെന്നതിന് സൂചനയാണ് ഈ വീഡിയോ എന്നും ചില ആളുകൾ അഭിപ്രായപ്പെട്ടു.