'നന്ദി'; ഛത്തീസ്ഗഡില്‍ അറസ്റ്റിലായ കന്യാസ്ത്രീകൾ രാജീവ് ചന്ദ്രശേഖറുമായി കൂടിക്കാഴ്ച നടത്തി

കന്യാസ്ത്രീകൾക്ക് ജാമ്യം ലഭിച്ച് പുറത്തിറങ്ങിയപ്പോൾ സ്വീകരിക്കാൻ രാജീവ് ചന്ദ്രശേഖർ ദുർഗ് ജയിലിലെത്തിയിരുന്നു. കേസിൽ ജാമ്യം മാത്രമാണ് നിലവിൽ ലഭിച്ചിരിക്കുന്നത്. എഫ്ഐആർ അടക്കം റദ്ദാക്കുന്നതിലെ നിയമനടപടി എങ്ങനെയെന്നതിൽ ആശയക്കുഴപ്പമുള്ള സാഹചര്യത്തിലാണ് കൂടിക്കാഴ്ച. ഛത്തീസ്ഗഡ് സര്‍ക്കാർ അനൂകൂല സമീപനമാണ് സ്വീകരിച്ചിരിക്കുന്നതെന്നും കന്യാസ്ത്രീകൾക്ക് ബിജെപി സംസ്ഥാന ഘടകം എല്ലാ നിയമ പിന്തുണയും നൽകുമെന്നും കൂടിക്കാഴ്ചയിൽ പങ്കെടുത്ത ബിജെപി നേതാവ് അനൂപ് ആന്റണി പറഞ്ഞു.

അതേസമയം കന്യാസ്ത്രീകളുടെ നിരപരാധിത്വം കോടതിയിൽ തെളിയിക്കട്ടെ എന്ന നിലപാടാണ് ചത്തീസ്ഗഡ് ബിജെപിക്ക്.കന്യാസ്ത്രീകൾക്ക് ഒപ്പമുണ്ടായിരുന്ന പെൺകുട്ടികൾ ബജരം​ഗ്ദൾ പ്രവർത്തകർക്കെതിരെ നൽകിയ പരാതിയിൽ പൊലീസ് ഇതുവരെ കേസ് എടുത്തിട്ടില്ല