പ്രിയങ്ക കശ്മീരി പണ്ഡിറ്റുകൾക്ക് ആശംസിച്ചത് പാഴ്‌സി പുതുവത്സരം; പിന്നാലെ ട്രോൾ മഴ

കശ്മീരി സഹോദരീ സഹോദരന്മാർക്ക് ആശംസ അറിയിച്ചതിനൊപ്പം എങ്ങനെയാണ് അമ്മ തന്നെ കശ്മീരി പുതുവത്സര ദിനത്തിന്റെ ഭാഗമായ താലി ഒരുക്കിവച്ച് അത്ഭുതപ്പെടുത്തിയതെന്നും പ്രിയങ്ക കുറിക്കുന്നു. മുതുമുത്തച്ഛൻ ജവഹർലാൽ നെഹ്‌റു വഴി കശ്മീരി പണ്ഡിറ്റ് ബന്ധവും മുത്തച്ഛൻ ഫിറോസ് ഗാന്ധി വഴി പാഴ്‌സി ബന്ധവും പ്രിയങ്കയ്ക്കുണ്ട്. എന്നാൽ പുതുവത്സര ദിനത്തെ നൗറോസ് എന്ന് വിശേഷിപ്പിച്ചിടത്താണ് പിഴച്ചത്. നൗറോസ് മാർച്ച് മാസത്തിലെ പാഴ്‌സി പുതുവത്സരമാണ്, കശ്മീരികൾ ആഘോഷിക്കുന്നതാകട്ടെ നവ്രെയും. രണ്ടിലും താലി പ്രധാനം ആണ്. ഒരുപക്ഷെ അതാവും പ്രിയങ്കയ്ക്ക് മാറിപ്പോവാനുള്ള കാരണവും. എന്നാലും സോഷ്യൽ മീഡിയ ട്രോൾ മഴയുമായി പിന്നാലെ തന്നെയുണ്ട്.