'ഡൽഹിയിലെ രംഗങ്ങൾ ഞെട്ടിക്കുന്നത്'; കര്‍ഷകരോട് അതിർത്തിയിലേക്ക് മടങ്ങാന്‍ ആവശ്യപ്പെട്ട് പഞ്ചാബ് മുഖ്യമന്ത്രി

ഡൽഹി നഗരത്തിൽ കണ്ട രംഗങ്ങൾ ‘ഞെട്ടിപ്പിക്കുന്നതാണ്’. അക്രമം അംഗീകരിക്കാനാവില്ല, സമാധാനപരമായി പ്രതിഷേധിക്കുന്ന കർഷകർ സൃഷ്ടിക്കുന്ന സൽസ്വഭാവത്തെ ഇത് നിരാകരിക്കും. കര്‍ഷകരോട് എത്രയും വേഗം അതിര്‍ത്തിയിലേക്ക് മടങ്ങാനനും അമരീന്ദര്‍ സിംഗ് ആവശ്യപ്പെട്ടു.

Also Read 'ജനക്കൂട്ടത്തിന് നേരെ ട്രാക്ടർ ഇടിച്ചുകയറ്റി കൊലപാതകങ്ങൾ ആസൂത്രണം ചെയ്യുന്നു'; കർഷക സമരത്തിനെതിരെ ശോഭ സുരേന്ദ്രന്‍

റിപബ്ലിക്​ ദിനത്തിലെ കര്‍ഷക റാലിക്കിടെ വലിയ രീതിയില്‍ അക്രമസംഭവങ്ങള്‍ അരങ്ങേറിയിരുന്നു. ചെ​ങ്കോട്ട പിടിച്ചെടുത്ത കര്‍ഷകര്‍ അവിടെ കൊടി ഉയര്‍ത്തി. ഡല്‍ഹി ഐ.ടി.ഒയില്‍ സംഘര്‍ഷത്തിനിടെ ഒരു കര്‍ഷകന്‍ മരിച്ചു. പൊലീസിന്‍റെ വെടിവെപ്പിനിടെയാണ്​ കര്‍ഷകന്‍ മരിച്ചതെന്ന്​ കര്‍ഷകര്‍ പറഞ്ഞു. എന്നാല്‍ വെടിവെച്ചിട്ടില്ലെന്നാണ്​ പൊലീസ്​ പറയുന്നത്​.

ഡൽഹിയിലെ നിരവധി സ്ഥലങ്ങളിൽ പൊലീസ് സേനയും പ്രതിഷേധിച്ച കർഷകരും തമ്മിൽ ഏറ്റുമുട്ടൽ ഉണ്ടായതിനാൽ നിയമം കൈയിലെടുക്കരുതെന്നും സമാധാനം നിലനിർത്തണമെന്നും ഡൽഹി പോലീസ് കർഷകരോട് അഭ്യർത്ഥിച്ചു. ട്രാക്ടർ റാലി പരേഡിനായി മുൻകൂട്ടി തീരുമാനിച്ച റൂട്ടുകളിലേക്ക് തിരിച്ചുപോകാനും പോലീസ് കർഷകരോട് ആവശ്യപ്പെട്ടു.

Also Read ഇന്‍റര്‍നെറ്റ് സേവനം നിര്‍ത്തി; റോഡും മെട്രോ സ്റ്റേഷനുകളും അടച്ചു; ഡൽഹിയില്‍ കേന്ദ്ര ആഭ്യന്തര മന്ത്രാലയത്തിന്‍റെ ഇടപെടല്‍

ട്രാക്ടർ പരേഡിന് അനുവദിച്ച സമയത്തിന് വളരെ മുമ്പുതന്നെ വിവിധ അതിർത്തി സ്ഥലങ്ങളിൽ നിന്ന് മാർച്ച് ആരംഭിച്ച കർഷകർ സെൻട്രൽ ഡൽഹിയിലെ ഐടിഒയിലെത്തി ല്യൂട്ടീൻ മേഖലയിലേക്ക് പോകാൻ ശ്രമിച്ചു. ഐടിഒയിൽ പ്രതിഷേധക്കാർ വടികൊണ്ട് പൊലീസുമായി ഏറ്റുമുട്ടിയിരുന്നു.