Agriculture bill 2020| കാർഷിക ബില്ലിനെതിരെ പ്രതിഷേധം; വിഷം കഴിച്ച കർഷകൻ മരിച്ചു

മൻസാ ജില്ലായിലെ അക്കൻവാലി ഗ്രാമവാസിയായ പ്രീതം സിങ്ങാണ് മരണപ്പെട്ടത്. വെള്ളിയാഴ്ച്ച രാവിലെയാണ് ഇദ്ദേഹം വിഷം കഴിച്ചത്. ആശുപത്രിയിൽ എത്തിച്ചെങ്കിലും രാത്രിയോടെ മരണപ്പെട്ടു.

പ്രീതംസിങ്ങിന്റെ കുടുംബത്തിന് സർക്കാർ നഷ്ടപരിഹാരം നൽകണമെന്ന് ഭാരതീയ കിസാൻ യൂണിയൻ ജനറൽ സെക്രട്ടറി സുഖ്ദേവ് സിങ് ആവശ്യപ്പെട്ടു. അതേസമയം, പ്രീതംസിങ്ങിന്റെ മരണ കാരണം വ്യക്തമല്ലെന്നാണ് പൊലീസ് പറയുന്നത്. ഇദ്ദേഹത്തിന് കടബാധ്യതയുണ്ടായിരുന്നതായും റിപ്പോർട്ടുണ്ട്.