അംബാനി കുടുംബത്തിലെ ഇളയ മരുമകളാകാൻ പോകുന്ന രാധിക മെർച്ചന്റ്

ഗുജറാത്തിലെ കച്ച് സ്വദേശിയായ രാധിക വർഷങ്ങളായി മുംബൈയിലാണ്. രാധിക മെർച്ചന്റ് അംബാനി കുടുംബത്തിൻറെ പരിപാടികളിലും കാണാറുണ്ട്. ഇഷ അംബാനി-ആനന്ദ് പിരാമല്‍, ആകാശ് അംബാനി-ശ്ലോക മേത്ത വിവാഹങ്ങളിൽ രാധിക പങ്കെടുത്തിരുന്നു.

പരിശീലനം ലഭിച്ച ഭരതനാട്യം നർത്തകിയാണ് ഇരുപത്തിനാലുകാരിയായ രാധിക മെർച്ചന്റ് . മുംബൈയിലെ ജിയോ വേൾഡ് സെന്ററിൽ ജൂണിലായിരുന്നു അരങ്ങേറ്റം. ശ്രീ നിഭ ആർട്‌സിലെ ഗുരുഭവന തകറിന്റെ ശിഷ്യയാണ് രാധിക മർച്ചന്റ്.

മുംബൈയിലെ ഐക്കണിക് കത്തീഡ്രലിലും ജോൺ കോണൺ സ്‌കൂളിലും ജുഹുവിലുള്ള എക്കോൾ മൊണ്ടിയേൽ വേൾഡ് സ്‌കൂളിലുമായിരുന്നു സ്‌കൂൾ വിദ്യാഭ്യാസം. പിന്നീട് രാധിക ഉപരിപഠനത്തിനായി ന്യൂയോർക്കിലേക്ക് പോയി. ന്യൂയോർക്ക് യൂണിവേഴ്‌സിറ്റിയിൽ നിന്ന് രാഷ്ട്രീയത്തിലും സാമ്പത്തിക ശാസ്ത്രത്തിലും ബിരുദം നേടിയ രാധിക മൃഗങ്ങളുടെ സംരക്ഷണത്തിലും സജീവമാണ്.