വിദ്യാഭ്യാസം ഉൾപ്പെടെയുള്ള മേഖലകളിൽ എഐ ഉപയോഗപ്പെടുത്തണം: റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി
- Published by:Vishnupriya S
- news18-malayalam
Last Updated:
ഉത്പാദനമേഖലയിലും എഐ സാധ്യതകൾ ഉപയോഗപ്പെടുത്തണമെന്നും മുകേഷ് അംബാനി പറഞ്ഞു
സുപ്രധാന തീരുമാനങ്ങൾ എടുക്കുന്നതിലും വിഭവങ്ങൾ വേണ്ട വിധം ഉപയോഗപ്പെടുത്തുന്നതിലുമെല്ലാം എഐയുടെ സാധ്യതകൾ കൂടുതൽ ഉപയോഗപ്പെടുത്തണമെന്ന് റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. ഈ ഡിജിറ്റൽ യുഗത്തിൽ പണത്തിനും കഴിവിനുമൊപ്പം സാങ്കേതിക വിദ്യയും ഒരു പ്രധാനപ്പെട്ട ഘടകമായി തീർന്നിരിക്കുകയാണെന്നും അദ്ദേഹം പറഞ്ഞു. ഉത്പാദനമേഖലയിലും എഐ സാധ്യതകൾ ഉപയോഗപ്പെടുത്തണമെന്നും മുകേഷ് അംബാനി പറഞ്ഞു.
'ഡിജിറ്റൽ സേവനങ്ങൾ, ഹരിതോർജം, ബയോ എനർജി, റീട്ടെയിൽ, ഉപഭോക്തൃ ബ്രാൻഡുകൾ, O2C & മെറ്റീരിയൽസ് ബിസിനസ്, ഹെൽത്ത് ആൻഡ് ലൈഫ് സയൻസസ് തുടങ്ങി റിലയൻസ് മുദ്ര പതിപ്പിച്ച പല മേഖലകളിലും അടുത്ത വർഷത്തോടെ ഈ സാങ്കേതികവിദ്യ ഉപയോഗപ്പെടുത്തും. വിദ്യാഭ്യാസം, ആരോഗ്യം, കൃഷി, നൈപുണ്യ വികസം തുടങ്ങിയ മേഖലകളിൽ ഇന്ത്യ എഐ സാധ്യതകൾ ഉപയോഗപ്പെടുത്തണം', മുകേഷ്
അംബാനി കൂട്ടിച്ചേർത്തു.
റിലയൻസിനെ എഐ സാധ്യതകൾ ഉപയോഗപ്പെടുത്തുന്ന ഒരു ടെക് കമ്പനിയാക്കുന്നതിന്, തങ്ങൾ എല്ലാവിധ ശ്രമങ്ങളും നടത്തി വരികയാണെെന്നും ഈ മേഖലയിൽ ലോകത്തിലെ ഏറ്റവും മികച്ച കമ്പനികളിൽ ഒരാളാകുകയാണ് ഉദ്ദേശ്യമെന്നും അദ്ദേഹം പറഞ്ഞു. യന്ത്രങ്ങളിൽ നിക്ഷേപിക്കുന്നതിനേക്കാൾ എപ്പോളും നല്ലത് കഴിവുള്ള ആളുകളിൽ നിക്ഷേപിക്കുന്നതാണ്. അതിനാൽ, എല്ലാ മേഖലകളിലും മികച്ച പ്രതിഭകളെ കണ്ടെത്താനാണ് തങ്ങളുടെ ശ്രമമെന്നും മുകേഷ് അംബാനി കൂട്ടിച്ചേർത്തു.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,Delhi
First Published :
Dec 28, 2023 6:12 PM IST
മലയാളം വാർത്തകൾ/ വാർത്ത/India/
വിദ്യാഭ്യാസം ഉൾപ്പെടെയുള്ള മേഖലകളിൽ എഐ ഉപയോഗപ്പെടുത്തണം: റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി
