'മാതൃഭാഷ, പ്രാദേശിക ഭാഷ, ജോലിക്കാവശ്യമായ ഭാഷ, മൂന്ന് ഭാഷകളും പഠിക്കണം’: നിലപാട് വ്യക്തമാക്കി ആർഎഎസ്എസ്

ദേശീയ വിദ്യാഭ്യാസ നയത്തിന്റെ ഒരു പ്രധാന വശമായ ത്രിഭാഷാ ഫോർമുലയെക്കുറിച്ച് രാജ്യം ചർച്ച ചെയ്യുമ്പോൾ കൂടുതൽ വിശാലവും എല്ലാവരെയും ഉൾക്കൊള്ളുന്നതുമായ നിലപാടുമായി ആർഎസ്എസ്. വിദ്യാഭ്യാസത്തിന്റെയും സ്വത്വത്തിന്റെയും കാതലായി 'മാതൃഭാഷ' നിലനിൽക്കുന്നു, എന്നാൽ പ്രായോഗിക, സാമൂഹിക, പ്രൊഫഷണൽ വിജയത്തിനായി ഒന്നിലധികം ഭാഷകൾ ഒരുപോലെ പ്രോത്സാഹിപ്പിക്കപ്പെടേണ്ടതുണ്ടെന്ന ബഹുഭാഷാ സമീപനമാണ് ആർഎസ്എസ് മുന്നോട്ടുവക്കുന്നത്. ബഹുഭാഷാ ‌ഫോർമുലയെ കുറിച്ചുള്ള ആർ‌എസ്‌എസിന്റെ നിലപാട് സർക്കാർ നയത്തെ പിന്തുണക്കുന്നതാണ്. ഭാഷാ നയത്തിന് പുറമെ, മണിപ്പൂർ ഉൾപ്പെടെയുള്ള വിവിധ ദേശീയ വിഷയങ്ങളെക്കുറിച്ച് ആർ‌എസ്‌എസ് നിലപാട് വ്യക്തമാക്കി.