'ഹിന്ദുക്കൾ ഇത്തരത്തിൽ പ്രവർത്തിക്കില്ല'; പഹൽ‌ഗാമിൽ വിനോദസഞ്ചാരികളെ മതംചോദിച്ച് വെടിവെച്ചുകൊന്നതിൽ മോഹൻ ഭഗവതിന്റെ പ്രതികരണം

ജമ്മു കശ്മീരിലെ പഹൽഗാമിൽ വിനോദസഞ്ചാരികളെ മതംചോദിച്ച് ഭീകരർ വെടിവെച്ചുകൊന്ന‌‌തിൽ പ്രതികരണവുമായി ആർഎസ്എസ് മേധാവി മോഹൻ ഭഗവത്. ഹിന്ദുക്കൾ ഒരിക്കലും ഇത്തരത്തിൽ പ്രവര്‍ത്തിക്കില്ലെന്ന് അദ്ദേഹം പറഞ്ഞു. 26 പേരെ നിഷ്ഠൂരമായി കൊലപ്പെടുത്തിയ സംഭവത്തിൽ ഭീകരർക്ക് ശക്തമായ തിരിച്ചടി നൽകണമെന്നും മോഹൻ ഭഗവത് സർക്കാരിനോട് ആവശ്യപ്പെട്ടു. ''ആളുകളുടെ മതം ചോദിച്ചശേഷമാണ് അവരെ വെടിവെച്ചുകൊന്നത്. ഇത്തരമൊരു കാര്യം ഹിന്ദുക്കള്‍ ഒരിക്കലും ചെയ്യില്ല'- മുംബൈയിൽ പൊതുപരിപാടിയിൽ‌ സംസാരിക്കവെ ആർഎസ്എസ് മേധാവി പറഞ്ഞു.