Smriti Irani | യുക്രെയ്നിൽ നിന്നുമെത്തിയ ഇന്ത്യക്കാരെ അവരവരുടെ മാതൃഭാഷയിൽ സ്വാഗതം ചെയ്ത് സ്‌മൃതി ഇറാനി; വീഡിയോ

ചൊവ്വാഴ്ച വരെയുള്ള കണക്കുകൾ പ്രകാരം യുക്രെയ്നിൽ നിന്നും 12,000 ഇന്ത്യൻ വിദ്യാർഥികളെയാണ് തിരികെയെത്തിച്ചിട്ടുള്ളത്. യുക്രെയ്നിൽ നിന്ന് 1,377 ഇന്ത്യൻ പൗരന്മാരെ കൂടി രാജ്യത്ത് തിരികെ എത്തിച്ചതായി വിദേശകാര്യ മന്ത്രി എസ് ജയശങ്കർ(External Affairs Minister S Jaishankar) ബുധനാഴ്ച പറഞ്ഞു.

കേന്ദ്രമന്ത്രിമാരായ ഹർദീപ് സിംഗ് പുരി, ജ്യോതിരാദിത്യ സിന്ധ്യ, ജനറൽ (റിട്ട) വി കെ സിംഗ്, കിരൺ റിജിജു എന്നിവരെ യഥാക്രമം യുക്രെയ്‌ന്റെ അയൽരാജ്യങ്ങളായ ഹംഗറി, റൊമാനിയ-മാൽഡോവ, പോളണ്ട്, സ്ലോവാക് റിപ്പബ്ലിക് എന്നിവിടങ്ങളിൽരക്ഷാദൗത്യ പ്രവർത്തനങ്ങൾ ഏകോപിപ്പിക്കുന്നതിനും ഇന്ത്യൻ വിദ്യാർത്ഥികളെ സഹായിക്കുന്നതിനുമായി കേന്ദ്രം അയച്ചിട്ടുണ്ട്.

യുദ്ധത്തിൽ തകർന്ന യുക്രെയ്നിൽ (War-torn Ukraine) നിന്ന് ഒറ്റപ്പെട്ട പൗരന്മാരെ തിരികെ കൊണ്ടുവരാൻ അടുത്ത മൂന്ന് ദിവസങ്ങളിൽ 26 വിമാനങ്ങൾ ഷെഡ്യൂൾ ചെയ്തിട്ടുണ്ടെന്ന് വിദേശകാര്യ മന്ത്രാലയം (എംഇഎ) അറിയിച്ചു. യുക്രെയ്നിലെ രണ്ടാമത്തെ വലിയ കിഴക്കൻ നഗരമായ ഖർകീവിൽ നിന്ന് ഇന്ത്യക്കാരെ ഒഴിപ്പിക്കുന്നത് സർക്കാരിന്റെ മുൻ‌ഗണനയാണ്, ഏകദേശം 12,000 ഇന്ത്യൻ പൗരന്മാർ യുക്രെയ്‌ൻ വിട്ടു. ഇതിൽ യുക്രെയ്‌നിലുള്ള ഏകദേശം 60% ഇന്ത്യക്കാർ ഉൾപ്പെടുമെന്ന് ചൊവ്വാഴ്ച നടത്തിയ പത്രസമ്മേളനത്തിൽ വിദേശകാര്യ സെക്രട്ടറി ഹർഷ് വർധൻ ശ്രിംഗ്ല പറഞ്ഞു.