സർക്കാർ ബസ്സിൽ മാസത്തിൽ അഞ്ച് തവണയിൽ കൂടുതൽ യാത്ര ചെയ്യുന്നവർക്ക് 50% ഇളവുമായി തമിഴ്നാട്

ചെന്നൈ: സർക്കാർ ബസ്സിൽ സ്ഥിരമായി യാത്ര ചെയ്യുന്നവർക്ക് ഇളവ് പ്രഖ്യാപിച്ച് തമിഴ്നാട് സർക്കാർ. ഗതാഗത മന്ത്രി എസ്എസ് ശിവശങ്കർ ആണ് ബുധനാഴ്ച്ച പുതിയ ആനുകൂല്യം പ്രഖ്യാപിച്ചത്. സ്റ്റേറ്റ് എക്സ്പ്രസ്സ് ട്രാൻസ്പോർട്ട് കോർപ്പറേഷൻ (SETC) ബസ്സിൽ നേരത്തേ ടിക്കറ്റ് ബുക്ക് ചെയ്ത മാസത്തിൽ അഞ്ച് തവണയിൽ കൂടുതൽ യാത്ര ചെയ്തവർക്കാണ് കൺസെഷന് അർഹത. അടുത്ത അഞ്ച് യാത്രയ്ക്ക് 50 ശതമാനം കൺസെഷനാണ് സർക്കാർ പ്രഖ്യാപിച്ചിരിക്കുന്നത്.