പേടിയുണ്ടാക്കി നല്ല മാനസികാവസ്ഥ തകർക്കാൻപാടില്ല; ഒന്നാം ക്ലാസിൽ പരീക്ഷ വേണോ? മന്ത്രി ശിവൻകുട്ടി

ആറ് വയസ്സ് മാത്രം പ്രായമുള്ള കുട്ടികളിൽ പരീക്ഷ എന്ന പേരിൽ ഭയമുണ്ടാക്കുന്നത് അവരുടെ സ്വാഭാവികമായ മാനസികാവസ്ഥയെ ബാധിക്കുമെന്ന് മന്ത്രി ചൂണ്ടിക്കാട്ടി. പഠനം എന്നത് കുട്ടികൾക്ക് ആസ്വദിക്കാൻ കഴിയുന്ന ഒന്നായിരിക്കണം. പരീക്ഷയുടെ സമ്മർദ്ദമില്ലാതെ, അവധി ദിനങ്ങളും കളികളും ആസ്വദിച്ചു തന്നെ അവർ പഠിച്ചു വളരണമെന്നാണ് സർക്കാരിന്റെ കാഴ്ചപ്പാട്. ഈ സാഹചര്യത്തിലാണ് ഒന്നാം ക്ലാസിൽ പരീക്ഷ വേണോ വേണ്ടയോ എന്ന കാര്യത്തിൽ പുനരാലോചന നടത്തുന്നത്.

കുട്ടികളുടെ പഠനഭാരം കുറയ്ക്കാനും സന്തോഷകരമായ സ്കൂൾ അന്തരീക്ഷം ഉറപ്പാക്കാനുമുള്ള വിദ്യാഭ്യാസ വകുപ്പിന്റെ പരിഷ്കരണ നടപടികളുടെ ഭാഗമായാണ് ഈ നീക്കം.