Corona Virus; ചൈനയിലേക്ക് പോകുന്ന ഇന്ത്യൻ ദൗത്യ സംഘത്തിൽ രണ്ട് മലയാളി നഴ്സുമാരും
- Published by:Gowthamy GG
- news18-malayalam
Last Updated:
കേന്ദ്ര ആരോഗ്യ മന്ത്രാലയം നിയോഗിച്ച അഞ്ചംഗ സംഘത്തിലാണ് രണ്ട് മലയാളി നഴ്സുമാരുമുള്ളത്.
ന്യൂഡൽഹി: കൊറോണ വൈറസ് ലോകത്ത് ഭീതി പരത്തുമ്പോൾ ചൈനയിലേക്ക് പുറപ്പെട്ടിരിക്കുകയാണ് രണ്ട് മലയാളികൾ. ചൈനയിലെ വുഹാനിൽ കുടുങ്ങിയിരിക്കുന്ന മലയാളികളെ അടക്കം തിരിച്ചെത്തിക്കാൻ കേന്ദ്ര സർക്കാർ അയച്ച സംഘത്തിലാണ് രണ്ട് മലയാളി പുരുഷ നഴ്സുമാരുള്ളത്.
also read:Corona Virus: ആഗോള അടിയന്തരാവസ്ഥ പ്രഖ്യാപിച്ച് WHO, ചൈനയിൽ മരണം 213
കേന്ദ്ര ആരോഗ്യ മന്ത്രാലയമാണ് അഞ്ചംഗ സംഘത്തെ നിയോഗിച്ചത്. സംഘത്തിൽ 3 ഡോക്ടർമാരുമുണ്ട്. നിപ വൈറസ് ബാധ സമയത്തും പ്രളയകാലത്തും സേവനം നടത്തിയതിന്റെ അനുഭവ സമ്പത്തുമായാണ് നഴ്സുമാർ ചൈനയിൽ എത്തുന്നത്. എന്നാൽ ചൈനയിൽ എത്തി സ്ഥിതിഗതികൾ മനസിലാക്കിയ ശേഷം മാത്രമേ വ്യക്തത വരൂ എന്ന് ഇരുവരും ന്യൂസ് 18 നോട് പറഞ്ഞു.
ആദ്യം പ്രാഥമിക പഠനം നടത്തും. വൈറസിന്റെ തീവ്രത മനസിലാക്കിയ ശേഷം ഒഴിപ്പിക്കൽ രീതികൾ തീരുമാനിക്കും. വൈറസിനെ പ്രതിരോധിക്കാനുള്ള സംവിധാനങ്ങളുമായാണ് സംഘം പുറപ്പെടുന്നത്. പരിചയ സമ്പന്നരായ ഡോക്ടർമാരാണ് സംഘത്തിലുള്ളത്.
advertisement
അവരുടെ നിർദ്ദേശങ്ങൾ അനുസരിച്ച് പ്രവർത്തിക്കും. ചൈനയിലെ തണുപ്പ് വൈറസ് പടരുന്നതിന് സാധ്യത വർദ്ധിപ്പിക്കുന്നുണ്ടെന്നും സംഘാംഗങ്ങൾ പറഞ്ഞു. ലോകാരാഗ്യേ സംഘടനയുടെ നിർദേശമുള്ളതിനാലാണ് നഴ്സുമാരുടെ പേരുകൾ വെളിപ്പെടുത്താത്തത്.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 31, 2020 3:07 PM IST
മലയാളം വാർത്തകൾ/ വാർത്ത/India/
Corona Virus; ചൈനയിലേക്ക് പോകുന്ന ഇന്ത്യൻ ദൗത്യ സംഘത്തിൽ രണ്ട് മലയാളി നഴ്സുമാരും
