Vijay TVK|'വിജയ് ദീർഘകാല സുഹൃത്ത്, എല്ലാവിധ ആശംസകളും'; ഉദയനിധി സ്റ്റാലിൻ

ഏതു പാർട്ടിയെ പിന്തുണയ്ക്കണമെന്ന് തീരുമാനിക്കേണ്ടത് ജനങ്ങളാണെന്നും ഉദയനിധി സ്റ്റാലിൻ കൂട്ടിച്ചേർത്തു. അതേസമയം ഡിഎംകെയ്ക്ക് ടിവികെ ഒരു വെല്ലുവിളിയാകുമോ എന്ന മാധ്യമപ്രവർത്തകരുടെ ചോദ്യത്തിന് കഴിഞ്ഞ 75 വർഷത്തിനിടെ നിരവധി പാർട്ടികൾ വന്നു പോകുന്നുണ്ടെന്നും ആർക്കുവേണമെങ്കിലും പാർട്ടി ഉണ്ടാക്കാനുള്ള സ്വാതന്ത്ര്യം ഉണ്ടെന്നുമായിരുന്നു ഉദയനിധിയുടെ പ്രതികരണം.

അതേസമയം ടിവികെയുടെ സമ്മേളനം ആരംഭിച്ചു. സമ്മേളന വേദിയിലേക്ക് മാസ് എൻട്രിയുമായി ദളപതി വിജയ്. ടിവികെയുടെ ആദ്യ സമ്മേളനമാണ് ഇന്ന് തമിഴ്നാട്ടിലെ വില്ലുപുരം വിക്രവാണ്ടിയിൽ നടക്കുന്നത്. വേദിയിലേക്ക് കടന്നുവന്ന വിജയ് യെ കരഘോഷങ്ങളോടെയും ആരവങ്ങളോടെയുമാണ് അണികൾ വേദിയിലേക്ക് വരവേറ്റത്. വിജയ് യുടെ അമ്മയും അച്ഛനും അടക്കമുള്ളവർ വേദിയിലുണ്ട്.

വേദിയിലെത്തി കൊടി ഉയർത്തിയശേഷം വിജയ് മുതിർന്ന രാഷ്ട്രീയനേതാക്കൾക്ക് ആദരാഞ്ജലികൾ അർപ്പിച്ചു. ഇപ്പോൾ പ്രവർത്തകർക്ക് സത്യ വാചകം ചൊല്ലി കൊടുക്കുന്ന ചടങ്ങാണ് നടന്നുകൊണ്ടിരിക്കുന്നത്. എല്ലാ അണികളും വാചകം ഏറ്റു പറഞ്ഞു.

(Summary: Actor and Tamil Nadu Deputy Chief Minister Udayanidhi Stalin congratulates Dalapati Vijay on his political entry Tamilaga Vettri Kazhagam tvk )