പുസ്തകം പൊതിയാനായി ബ്രൗൺ പേപ്പർ മുറിച്ചു കഷ്ടപ്പെടണ്ട;പുത്തൻ സംരംഭവുമായി പത്താം ക്ലാസുകാരി മവാസോയിൽ

പ്ലാസ്റ്റിക് ഒട്ടുംതന്നെ ഉപയോഗിക്കാതെ പ്രകൃതി സൗഹൃദമായാണ് ഈ ഉൽപ്പന്നം നിർമിച്ചിരിക്കുന്നത്. കൂടുതൽ ഈടുനിൽക്കുന്നതിനായി പ്ലാസ്റ്റിക്കിന് പകരം ബയോ കോട്ടിംഗ് ആവരണവും നൽകിയിട്ടുണ്ട്. 1000 കുട്ടികൾ സാധാരണ ബ്രൗൺ പേപ്പറിന് പകരം ഈ ഉത്പന്നം ഉപയോഗിക്കുകയാണെങ്കിൽ 6 കിലോഗ്രാമോളം പ്ലാസ്റ്റിക് ഒഴിവാക്കാനാവുമെന്നാണ് കണക്ക്.

സ്കൂളുകളിൽ നിന്നും പ്ലാസ്റ്റിക് മാലിന്യം ഇല്ലാതാക്കുക എന്ന ലക്ഷ്യം മുന്നിൽ കണ്ടുകൊണ്ടാണ് ഈ ഉൽപ്പന്നം നിർമ്മിച്ചിരിക്കുന്നത്. നവീന സംരംഭക ആശയങ്ങളുടെ പങ്കുവയ്ക്കലിന് വേദിയൊരുക്കുന്ന ഡിവൈഎഫ്ഐയുടെ ദ്വിദിന യൂത്ത് സ്റ്റാർട്ടപ്പ് ഫെസ്റ്റിവലാണ് 'മവാസോ'. മാർച്ച് 1 ന് നടന്ന 'മവാസോ' സ്റ്റാർട്ട് അപ്പ് ഫെസ്റ്റിവലിൽ വച്ച് മന്ത്രി മുഹമ്മദ് റിയാസ് സംരംഭം ഉദ്ഘാടനം ചെയ്തു.