കാസർകോട് പള്ളിക്കുളത്തിൽ കുളിക്കാനിറങ്ങിയ 2 കുട്ടികൾ മുങ്ങിമരിച്ചു

കുട്ടികളെ പുറത്തെടുത്ത് കാഞ്ഞങ്ങാട്ടെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അൻവറിൻ്റെ സഹോദരൻ ഹാഷിമിനെ ഗുരുതരാവസ്ഥയിൽ മംഗലാപുരത്തെ ഒരു സ്വകാര്യ ആശുപത്രിയിൽ പ്രവേശിപ്പിച്ചു. വ്യാഴാഴ്ച വൈകിട്ട് 3.45ഓടെയാണ് അപകടം നടന്നത്.

രണ്ടാൾ പൊക്കം ആഴമുള്ള കുളമാണെന്നാണ് നാട്ടുകാർ പറയുന്നത്. കുളിച്ചുകൊണ്ടിരുന്നപ്പോൾ കുളത്തിലേക്ക് വീണ ചെരിപ്പ് എടുക്കാനിറങ്ങിയപ്പോഴാണ് കുട്ടികൾ മുങ്ങി മരിച്ചതെന്നാണ് നിഗമനം. കുട്ടികൾക്ക് നീന്തലറിയുമായിരുന്നില്ല. എറെ സമയമെടുത്താണ് രണ്ട് പേരെ കരയ്ക്കെത്തിച്ചതെന്ന് നാട്ടുകാർ പറയുന്നു.