ഇടുക്കിയിൽ സ്കൂൾ വിദ്യാര്‍ഥികള്‍ സഞ്ചരിച്ച ടൂറിസ്റ്റ് ബസ് മറിഞ്ഞു; 36 പേര്‍ക്ക് പരിക്ക്

കൊടൈക്കനാൽ സന്ദർശനം കഴിഞ്ഞ് തിരികെ മടങ്ങുകയായിരുന്നു സംഘം. വിനോദയാത്രയ്ക്ക് മൂന്ന് ബസുകളാണ് ഉണ്ടായിരുന്നത്. ഇതിൽ ഒരു ബസാണ് അപകടത്തിൽപ്പെട്ടത്. അപകടസമയത്ത് ബസിൽ 46 വിദ്യാർഥികളും ആറ് അധ്യാപകരുമാണ് ഉണ്ടായിരുന്നത്. കുത്തനെയുള്ള ഇറക്കം ഇറങ്ങിവരവെ ബസിന്റെ നിയന്ത്രണം നഷ്ടമാവുകയും ഒരു വശത്തേക്ക് മറിയുകയുമായിരുന്നു. പരിക്കേറ്റ മുഴുവൻ വിദ്യാർഥികളെയും ഉടൻതന്നെ പാലായിലെ വിവിധ ആശുപത്രികളിൽ പ്രവേശിപ്പിച്ചു.