മുഖ്യമന്ത്രിയുടെ ദുരിതാശ്വാസനിധിക്കെതിരെ പോസ്റ്റിട്ടു; സംസ്ഥാനത്ത് 40 കേസെടുത്തു
- Published by:Vishnupriya S
- news18-malayalam
Last Updated:
മുഖ്യമന്ത്രിയുടെ ദുരിതാശ്വാസനിധിക്കെതിരെയുള്ള വ്യാജപ്രചാരണങ്ങള് നിരീക്ഷിക്കുന്നതിന് സാമൂഹ്യമാധ്യമങ്ങളില് സൈബര് പോലീസിന്റെ പട്രോളിംഗ് ശക്തമാക്കി
തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധിക്കെതിരെ സമൂഹമാധ്യമങ്ങളിൽ പോസ്റ്റിട്ടതിന് ഇതുവരെ സംസ്ഥാനത്ത് 40 കേസുകളെടുത്തു. തിരുവനന്തപുരം സിറ്റിയിൽ നാല് കേസുകളും റൂറലിൽ ഒരു കേസുമാണ് രജിസ്റ്റർ ചെയ്തത്. കൊല്ലം സിറ്റി-1, റൂറൽ-3, ആലപ്പുഴ-5, കോട്ടയം-3, എറണാകുളം സിറ്റി-2, റൂറൽ-2, തൃശൂർ സിറ്റി-2, റൂറൽ-4, പാലക്കാട്-5, കണ്ണൂർ സിറ്റി-2, കാസർഗോഡ്-1, കോഴിക്കോട്-1, പത്തനംതിട്ട-1, ഇടുക്കി-1, മലപ്പുറത്ത്-1, വയനാട്-1, എന്നിങ്ങനെയാണ് മറ്റു ജില്ലകളിൽ രജിസ്റ്റർ ചെയ്ത കേസുകൾ.
മുഖ്യമന്ത്രിയുടെ ദുരിതാശ്വാസനിധിക്കെതിരെയുള്ള വ്യാജപ്രചാരണങ്ങള് നിരീക്ഷിക്കുന്നതിന് സാമൂഹ്യമാധ്യമങ്ങളില് സൈബര് പോലീസിന്റെ പട്രോളിംഗ് ശക്തമാക്കി. ഇത്തരത്തില് പോസ്റ്റുകള് നിര്മിക്കുകയും ഷെയര് ചെയ്യുകയും ചെയ്യുന്നവര്ക്കെതിരെ നിയമനടപടികള് സ്വീകരിക്കുന്നതാണെന്നും പോലീസ് വ്യക്തമാക്കി.
അതേസമയം, കൊല്ലം ഏരൂരില് മുഖ്യമന്ത്രിയുടെ ദുരിതാശ്വാസനിധിയിലേക്ക് പണം നല്കരുതെന്ന് ആഹ്വാനം ചെയ്തുകൊണ്ട് യൂട്യൂബിലും ഇന്സ്റ്റഗ്രാമിലും വീഡിയോ പോസ്റ്റ് ചെയ്ത യുവാവിനെ ഏരൂര് പൊലീസ് അറസ്റ്റ് ചെയ്തു. ഏരൂര് ഇളവറാംകുഴി മാവിളയില് വീട്ടില് രാജേഷിനെയാണ് (32) സൈബര് സെല് നിര്ദേശപ്രകാരം പൊലീസ് അറസ്റ്റ് ചെയ്തത്. കായംകുളം പെരിങ്ങാല ധ്വനി വീട്ടില് അരുണിനെയും (40) പൊലീസ് അറസ്റ്റ് ചെയ്തിട്ടുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Aug 03, 2024 12:44 PM IST
മലയാളം വാർത്തകൾ/ വാർത്ത/Kerala/
മുഖ്യമന്ത്രിയുടെ ദുരിതാശ്വാസനിധിക്കെതിരെ പോസ്റ്റിട്ടു; സംസ്ഥാനത്ത് 40 കേസെടുത്തു
